XV Nacyjanalny fiestyval biełaruskaj pieśni i paezii ŭračysta adkryŭsia na scenie letniaha amfiteatra ŭ Maładziečnie. Fiestyval budzie doŭžycca na praciahu troch dzion — z 5 pa 7 červienia.
Pavodle ministra kultury Barysa Śviatłova, pa svajoj značnaści hety fiestyval možna paraŭnać sa «Słavianskim bazaram u Viciebsku», adnak muzyčny forum u Maładziečnie nakiravany mienavita ŭ bok nacyjanalnaj kultury.
Samym cikavym ministr ličyć konkurs maładych talentaŭ, bo heta muzyčnaja, kulturnaja budučynia krainy.
Adkazvajučy na pytańnie, jakaja ŭ jaho samaja lubimaja pieśnia, Barys Śviatłoŭ skazaŭ: «Mnie vielmi padabajecca» Kupalinka «i ŭsio toje, što tyčycca repiertuaru» Pieśniaroŭ «.
U subotu projdzie kancert z udziełam salistaŭ Nacyjanalnaha akademičnaha kancertnaha arkiestra Biełarusi «Vialikija pieśni vialikaha naroda» pad kiraŭnictvam Michaiła Finbierha. Fiestyvalny dzień zavieršyć cyrymonija ŭznaharodžańnia łaŭreataŭ Nacyjanalnaha konkursu maładych vykanaŭcaŭ biełaruskaj estradnaj pieśni.
7 červienia projdzie jubilejny kancert «Pieśnia maja…» kampazitara Aleha Moŭčana. Na scenu ŭ hety dzień vyjduć Jadviha Papłaŭskaja, Alaksandr Cichanovič, Mikałaj Skorykaŭ, Anatol Kašaparaŭ, a taksama «Pieśniary» i vakalny hurt «Čysty hołas».
Jarkim zaviaršeńniem fiestyvalu ŭ Maładziečnie stanie viačerni kancert z udziełam pieramožcaŭ muzyčnaha prajekta «Zorny dyližans». Vystupiać Dźmitryj Kałdun, hrupa IOWA.
Nacyjanalny fiestyval biełaruskaj pieśni i paezii ŭ Maładziečnie pravodzicca z 1993 hoda.
