Parašenka: Ukraina nie źviartałasia da Zachadu nakont razhortvańnia na jaje terytoryi sistem supraćrakietnaj abarony
Prezident Ukrainy Piotr Parašenka zajaŭlaje, što Kijeŭ nie źviartaŭsia da zachodnich partnioraŭ z prapanovaj raźmiaścić na svajoj terytoryi sistemy supraćrakietnaj abarony.
Na sumiesnaj pres-kanfierencyi pa vynikach pieramovaŭ z premjer-ministram Kanady Styvienam Charpieram ŭ subotu ŭ Kijevie, adkazvajučy na pytańnie, ci źviartałasia Ukraina da krain Zachadu z prapanovaj raźmiaścić na svajoj terytoryi sistemy supraćrakietnaj abarony ŭ suviazi vierahodnym raźmiaščeńniem rasijskaj jadziernaj zbroi ŭ Krymie, Parašenka adkazaŭ: «Nie, nie źviartałasia. Zaraz hetaje pytańnie nie staić na paradku dnia».
Razam z tym jon adznačyŭ, što Ukraina prykładaje maksimum namahańniaŭ dla ŭmacavańnia svajoj abaranazdolnaści, nakiroŭvajučy bolš za 5% ad VUP, značnaja častka čaho idzie na zakupku novych uzbrajeńniaŭ i madernizacyi starych, jakija byli na ŭzbrajeńni VSU.
«Upeŭnieny ŭ tym, što Ukraina budzie zdolnaja siabie abaranić», — padkreśliŭ Parašenka i dadaŭ, što Kijeŭ praciahnie dyjałoh z krainami — členami NATA i z krainami — harantami Budapiešckaha miemaranduma 1994 hoda (Vialikabrytanija, ZŠA, Rasija) z metaj umacavańnia svajoj biaśpieki.
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy5
Kamientary