U redakcyju TUT.BY źviarnuŭsia karystalnik partała, jaki raspavioŭ, što staŭ vidavočcam taho, što biełaruskija vajskoŭcy źbili rasijski bieśpiłotnik.
«28 maja ja haściavaŭ u siabroŭ u Mścisłaŭskim rajonie Mahiloŭskaj vobłaści. Kali ja ŭviečary kataŭsia na rovary ŭ rajonie vioski Kartyžy, to zaŭvažyŭ u pavietry, dzieści ŭ 200 mietrach nad ziamloj maleńki samalocik», — raspavioŭ Valancin.
Jon spyniŭsia panazirać za palotam, i ŭbačyŭ prosta nad samalotam uspyšku, a potym pačuŭ huk «jak pry salucie». Samalot pierakuliŭsia ŭ pavietry i ŭpaŭ niepadalok ad lesu.
«Ja spačatku nie moh zrazumieć, što adbyłosia, ale kali praź niekalki chvilin padjechaŭ da miesca padzieńnia samalota, to ŭbačyŭ, što jon zusim nievialiki — mietry try ŭdoŭžki i dva ŭšyrki, i bieź lotčyka. Tady ja zrazumieŭ, što heta bieśpiłotnik», — rastłumačyŭ śviedka, adznačyŭšy, što nie ŭbačyŭ jakich-niebudź apaznavalnych znakaŭ na fiuzielažy.
Pa słovach vidavočcy, chvilin praz 10 paśla padzieńnia bieśpiłotnika na miesca zdareńnia prybyli biełaruskija vajskoŭcy na dźviuch mašynach, «UAZ» i «Urale».
«Jany ačapili miesca padzieńnia i stali mianie raspytvać, što ja bačyŭ, a potym paprasili syści», — raspavioŭ Valancin.
Pryjechaŭšy dadomu, śviedka pasprabavaŭ samastojna apaznać bieśpiłotnik. Valancin miarkuje, što bolš za ŭsio ŭbačany im latalny aparat padobny na BPŁA «Ptiero-G0», sa składu bieśpiłotnaha avijacyjnaha kompleksu «Ptiero-SM» rasijskaj vytvorčaści.
Miarkujučy pa apisańni aparata na sajcie vytvorcy, jon pryznačany dla viadzieńnia «aera- i fotazdymki, vuličnych i liniejnych abjektaŭ, acenki radyjoelektronnaj abstanoŭki, u tym liku vyjaŭleńnia krynic pieraškod i vymiareńnia dyjahramy nakiravanaści antennych sistem».
Takija kompleksy, prynamsi pavodle aficyjnych paviedamleńniaŭ Ministerstva abarony, nie znachodziacca na ŭzbrajeńni biełaruskaj armii, ale aktyŭna vykarystoŭvajucca ŭ rasijskaj. Adznačym, što kompleksy «Ptiero-SM» taksama vykarystoŭvajucca i inšymi rasijskimi strukturami — MNS, palicyjaj i h.d.
Atrymać aficyjny kamientar Ministerstva abarony Biełarusi z nahody incydentu ŭviečary nie ŭdałosia.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha148
Kamientary