U ramkach ščodraha rasprodažu redakcyja «ARCHE» prapanuje nabyć čatyry našy samyja papularnyja publikacyi za canu adnoj.
Na rasprodaž vystaŭlajucca:
— Tematyčny vypusk «ARCHE» «Bitva pad Oršaj: miesca pamiaci i kanflikt interpretacyj» (754 staronki, ź ich 68 kalarovych)
Čamu bitva pad Oršaj tak važnaja dla nas? Jak słušna piša z adnym artykułaŭ numaru historyk Hienadź Sahanovič, «bitva pad Oršaj stałasia narožnym kamieniem u vybudovie sučasnaj biełaruskaj identyčnaści». Sprabujučy stłumić umacavańnie nacyjanalnaj identyčnaści ŭ krainie, łukašenkaŭski režym adkryta zabaraniaje biełarusam pamiatać pra hetuju losavyznačalnuju hieapalityčnuju padzieju pačatku XVI st., adnym z vynikaŭ ź jakoj było ŭstalavańnie adnosna stabilnaj uschodniaj miažy pamiž Vialikim Kniastvam Litoŭskim i Maskoŭskaj dziaržavaj, jakaja praisnavała bolš za paŭtysiaču hadoŭ i ciapier zbolšaha adpaviadaje miažy pamiž Biełaruśsiu i Rasijaj.
Poŭny źmiest numara dastupny TUT.
— Tematyčny vypusk «ARCHE» «Vajskovaja historyja Vialikaha Kniastva Litoŭskaha» (494 staronki)
U numary pradstaŭlenyja daśledavańni aŭtaraŭ ź Biełarusi (Mikoła Vołkaŭ, Vital Kalada, Viktar Jakubaŭ, Kirył Karluk, Natalla Śliž,), Polščy (Andžej Hžehaž Pšepiurka, Konrad Babiatynski, Kšyštaf Kasažecki, Piotr Krol, Tomaš Ciasielski, Maryjuš Savicki, Andžej Adam Majeŭski), Litvy (Vałdas Rakucis, Antanas Ciła, Rajmonda Rahaŭskienie) i Rasii (Iryna Hierasimava). U publikacyjach aśviatlajucca pytańni historyi asobnych vajskovych adzinak i harnizonaŭ, vajskovaha zakanadaŭstva VKŁ, upłyvu vojnaŭ i vajskoŭcaŭ na palityčnyja i kulturnyja pracesy ŭ krainie. Šmat miesca nadajecca apisańniu asobnych bitvaŭ, a taksama žyćciapisam najbolš vydatnych tahačasnych pałkavodcaŭ. Upieršyniu ŭ hetym numary byli źmieščanyja materyjały rekanstrukcyi źniešniaha vyhladu vajaroŭ VKŁ XVII st.
Poŭny źmiest numara dastupny TUT.
— Tematyčny vypusk «ARCHE» «Mahnateryja Vialikaha Kniastva Litoŭskaha» (385 staronak)
U numary aśviatlajucca pytańni jak zaradžeńnia mahnackaha stanu ŭ VKŁ, tak i jahonaha dalejšaha raźvićcia dy zaniapadu. Artykuły pryśviečanyja jak asobnym jaskravym postaciam, tak i historyi cełych mahnackich rodaŭ, ich uładańniaŭ dy śpiecyfičnych instytutaŭ, ź imi źviazanych. U numary drukujucca pracy biełaruskich (Nina Skiepjan, Natalla Śliž, Dźmitryj Vićko, Nastaśsia Skiepjan), litoŭskich (Rymvidas Piatraŭskas, Hianucie Kirkienie, Vidas Dalinskas, Ramunie Šmihielskicie-Stukienie, Rajmonda Rahaŭskienie) i polskich (Tomaš Kempa, Andžej Adam Majeŭski, Adam Danilčyk, Kšyštaf Kasažecki, Maryjuš Savicki, Alaksandra Ziobier).
Poŭny źmiest numara dastupny TUT.
— Manahrafija prafiesara Harvardskaha ŭniviersitetu Siarhija Płachija «Ruski Vaviłon. Damadernyja identyčnaści ŭ Rasii, Biełarusi i Ŭkrainie» (300 staronak)
U knizie prafiesara Kiembrydžskaha ŭniviersiteta (ZŠA) ukrainskaha pachodžańnia robicca sproba adkazać na pytańnie, jakoje zajmała šmatlikich letapiscaŭ i historykaŭ na praciahu mnohich stahodździaŭ: «Adkul pajšła Ruskaja ziamla?». Pry hetym havorka idzie tut nie stolki pra ziamlu ŭ siońniašnim razumieńni terminu, kolki pra narod dy nacyju, a adkaz na pytańnie farmujecca praz rekanstrukcyju rańniemadernych identyčnaściaŭ našych prodkaŭ i papiarednikaŭ. Daśledavańnie damadernych uschodniesłavianskich identyčnaściaŭ maje na ŭvazie vyvučeńnie pracesu raźvićcia cełaha šerahu identyčnaściaŭ, jakija ŭ rozny čas stajali za paniaćciem «Ruś».
Poŭny źmiest knihi dastupny TUT.
Jak zamović vydańni možna daviedacca na sajcie arche.by.
