Biełaruski hidramieteacentr: Krym — heta Ukraina. I bolš nie pišycie nam
U tvitar-akaŭncie mietearałahičnaha partała meteoinfo.by byŭ apublikavany skrynšot pierapiski administracyi partała ź niejkim Jaŭhienam Jaŭhieńjevym.
Mužčyna paprakaŭ sajt pogoda.by u tym, što «śpis haradoŭ, pryznačany dla pošuku źviestak ab nadvorji ŭ ich, u suviazi ź pierachodam Kryma ŭ skład Rasii, maje niekatoryja nieadpaviednaści rečaisnaści. U pryvatnaści, harady, raźmieščanyja ŭ Krymie (Ałušta, Hurzuf, Jeŭpatoryja, Kierč, Saki, Sievastopal, Simfieropal, Sudak, Fieadosija, Jałta i inš.) dahetul znachodziacca ŭ raździele «Ukraina», choć, u realnaści, jany musiać być pieramieščany ŭ raździeł «Rasija» (pa prynaležnaści krainy)».
Adnak kiraŭnictva sajta adkazała Jaŭhienu Jaŭhieńjevu, što Suśvietnaja mietearałahičnaja arhanizacyja na svaim sajcie paviedamlaje: harady, uzhadanyja ŭ liście, naležać Ukrainie. «Jak tolki status hetych mieteastancyj źmienicca, my vypravim», — havorycca ŭ liście.
Skrynšot supravadžaje kateharyčny podpis: «I bolš nie pišycie nam, a pišycie ŭ @WMONews».
Internet-resursy pogoda.by i meteoinfo.by naležać Respublikanskamu centru pa hidramietearałohii, kantroli radyjoaktyŭnaha zabrudžvańnia i manitorynhu navakolnaha asiarodździa.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary