fota Jeŭraradyjo
«Biełaruski špijon», jaki nie tak daŭno byŭ asudžany ŭ Polščy, nikoli nie byŭ ahientam śpiecsłužbaŭ Biełarusi, zajaviŭ siońnia žurnalistam staršynia KDB Biełarusi Valeryj Vakulčyk.
«Jon nikoli nie byŭ ahientam biełaruskich śpiecsłužbaŭ. Jon zvyčajny machlar, ale tolki abjektam jaho machlarstva stali nie fizičnyja asoby, a zamiežnaja raźviedka», — skazaŭ staršynia KDB. Valeryj Vakulčyk padkreśliŭ, što ŭ 2011 hodzie ŭ dačynieńni da hetaha «špijona» KDB Biełarusi raspačaŭ spravu pa art.356 KK (zdrada dziaržavie).
«Jak vy viedajecie, sankcyi hetaha artykuła našmat bolš strohija, čym tyja, pa jakich jon asudžany ŭ Polščy. Pryčym u Polščy jon asudžany nie za špijanaž, a pa art.132 KK Polščy (uviadzieńnie śpiecsłužby u zman šlacham pradastaŭleńnia iłžyvaj infarmacyi). Tamu kazać ab tym, što jon špijon nie varta», — adznačyŭ Valeryj Vakulčyk. Jon taksama źviarnuŭ uvahu, što polskija kalehi rasśledavali spravu ŭ dačynieńni da hetaha čałavieka cełyja 4 hady.
Na dumku kiraŭnika KDB, los hetaha «špijona» vielmi pakazalny.
«Heta demanstruje pracu asobnych zamiežnych raźviedak ŭ tym płanie, što heta pakazvaje vyklučna cyničnaje staŭleńnie polskaj raźviedki da svajho krynicy, da jaho biaśpieki, da jaho losu. Kali jon byŭ patrebny haspadaram, jany ź im pracavali i jamu płacili. Kali jon pierastaŭ być patrebien — apynuŭsia za kratami. Vy bačycie, jakaja budučynia jaho čakaje. Heta nahladny prykład dla kožnaha, u kaho ŭźniknie dumka vyrašać svaje intaresy šlacham zdrady, ŭščamleńnia intaresaŭ Radzimy», — skazaŭ kiraŭnik KDB.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary