Udzieł va ŭkrainskim kanflikcie ŭ jakaści najomnika ciahnie kryminalnuju adkaznaść — Vakulčyk
Udzieł va ŭkrainskim ŭzbrojenym kanflikcie ŭ jakaści najomnika ciahnie kryminalnuju adkaznaść dla hramadzian Biełarusi, zajaviŭ siońnia žurnalistam staršynia KDB Biełarusi Valeryj Vakulčyk.
«Kali jość dokazy taho, što asoba tam ŭdzielničaje ŭ bajavych dziejańniach jak najomnik, h.zn atrymlivaje za heta hrošy, to jana padlahaje adkaznaści pavodle artykuła «najomnictva» (art. 133 KK)», — skazaŭ Valeryj Vakulčyk.
Hety artykuł nie adnosicca da kampietencyi KDB, ale, słovach Valeryja Vakulčyka, u kamitecie nie mohuć nie ŭličvać takija fakty.
«Vy razumiejecie, što ludzi jeduć tudy zabivać ludziej, a potym jany pryjeduć siudy i buduć siarod nas. Jak my pavinny da hetaha stavicca? Heta pytańnie dla kožnaha, u tym liku i dla žurnalistaŭ, kab zadumacca nad hetaj prablemaj», — źviarnuŭ uvahu kiraŭnik KDB.
Jon dadaŭ, što, kali chto-niebudź ź biełaruskich hramadzian jedzie vajavać u zonu kanfliktu va Ukrainie, to takija ludzi pavinny razumieć, što rana ci pozna ich čakaje adkaznaść.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary