Nasuprać budynka Abłdziaržadministracyi, u jakim mieścicca kiraŭnictva «DNR», sabralisia kala 500 čałaviek. Jany vykrykvajuć antyvajennyja łozunhi, paviedamlaje «Novaja hazieta». Pratestoŭcy pierakryli cantralnuju vulicu Daniecka — vulicu Arcioma.
«Spynicie vajnu!», «Viarnicie nam žytło, u nas raźbili damy», «Sydzicie ŭsie!», — kryčać žychary Daniecka.
Paviedamlajecca, što asnoŭnaja častka mitynhoŭcaŭ pradstaŭlaje pasiołak Kastryčnicki — rajon na poŭnačy Daniecka, blizki da aeraporta.
Asnoŭnaje patrabavańnie mitynhoŭcaŭ — prypynieńnie sieparatystami abstrełaŭ, što ładziacca z žyłych kvartałaŭ i vyklikajuć ahoń uzbrojenych sił Ukrainy pa mirnym nasielnictvie.
Tolki ŭčora ŭ pasiołku Kastryčnickim byli paranienyja dziesiaciora, za tydzień zahinuli dva čałavieki.
Fota: Andrey Borodulin via Twitter
Ludzi pačali źbiracca kala 11-j ranicy, palicyja «DNR» nie razhaniaje mitynh i «vyhladaje razhublenaj». Kala 13:30 da pratestoŭcaŭ vyjšaŭ Alaksandr Zacharčanka, kiraŭnik «DNR». Jon abiacaje žycharam razburanych damoŭ pierasialeńnie ŭ biaśpiečnyja miescy. Pratestoŭcy pačynajuć razychodzicca.
A 4-j hadzinie na stychijnym mitynhu zastałosia kala 30 čałaviek.
Heta pieršy padobny pratest za čas vajny. Usie raniejšyja małalikija akcyi pratestu suprać bajevikoŭ rasijskim śpiecsłužbam udavałasia chutka niejtralizavać.