16 červienia na palihonie 38-j hvardziejskaj asobnaj mabilnaj bryhady «Brescki» adbyłasia ŭračystaja cyrymonija adkryćcia sumiesnych biełaruska-kitajskich antyterarystyčnych vučeńniaŭ (treniroŭki) «Imklivy aroł — 2015».
Jak paviedamlaje pres-słužba Ministerstva abarony Biełarusi, u vučeńniach biaruć udzieł vajennasłužačyja mabilnaj roty 382-ha asobnaha mabilnaha bataljona 38-j hvardziejskaj asobnaj mabilnaj bryhady sił śpiecyjalnych apieracyj Uzbrojenych sił Biełarusi i śpiecyjalnaj pavietrana-desantnaj roty Pavietrana-desantnych vojskaŭ Vajenna-pavietranych sił Narodna-vyzvalenčaj armii Kitaja.
Vučeńni prachodziać z 15 pa 27 červienia pad kiraŭnictvam kamandujučaha siłami śpiecyjalnych apieracyj Uzbrojenych sił Biełarusi hienierał-majora Vadzima Dzianisienki.
Padčas mierapryjemstva buduć adpracavanyja pytańni padrychtoŭki i viadzieńnia śpiecyjalnych dziejańniaŭ sumiesnym padraździaleńniem US Biełarusi i Narodna-vyzvalenčaj armii Kitaja pry vykanańni antyterarystyčnych zadač.
«Praviadzieńnie vučeńniaŭ dazvolić vypracavać u asabovaha składu vysokija bajavyja jakaści i maralna-psichałahičnuju sumiaščalnaść pry dziejańniach u składzie zbornych šmatnacyjanalnych padraździaleńniaŭ, a taksama abmianiacca vopytam u arhanizacyi i viadzieńni śpiecyjalnych dziejańniaŭ pry vykanańni antyterarystyčnych zadač», — havorycca ŭ paviedamleńni Minabarony Biełarusi.