Daśledčyki z ZŠA raspracavali sistemu stvareńnia 3D-madelej čałaviečych tvaraŭ na asnovie fota ci videa, pieradaje N+1 sa spasyłkaj na preprynt raboty.
Technałohija dazvalaje nie tolki skapijavać tvar čałavieka ź videa, ale i nakłaści hety tvar razam z usimi rysami i ŭsioj mimikaj na vyjavu tvaru inšaha čałavieka.
Ciapierašnija technałohii dazvalajuć «nadziavać» akcioram inšyja tvary praz technałohiju zachopu ruchu. Na klučavyja punkty na tvary, jak to nos, vusny, skuły i brovy, nadziavajucca datčyki, źviestki jakich pieradajucca na kampjutar, dzie «nadziavajecca» inšy tvar.
Novaja technałohija dazvalaje «zdymać» tvary bieź niepasrednaha ŭdziełu ich uładalnikaŭ. Kampjutarny ałharytm praanalizavaŭ fota i videa z udziełam šerahu ludziej, adsačyŭ klučavyja punkty na tvarach i stvaryŭ 3D-madel tvaru, da jakoj možna pryviazać ruchi inšaha tvaru pa tych samych klučavych punktach.
Na videa pakazany prykład z abmienam tvarami Kievina Spejsi, Toma Chenksa, Arnolda Švarceniehiera i inšych z Džordžam Bušam małodšym. Nichto ź ich nie braŭ udziełu ŭ ekśpierymiencie — chapiła videa ź ich udziełam. Kampjutarnyja tvary dublirujuć mimiku eks-prezidenta adzin u adzin.
Technałohija budzie karysnaj u stvareńni realistyčnych videahulniaŭ, albo ŭ kino, dzie słavutym (u tym liku pamierłym) akcioram nie pryjdziecca asabista prysutničać na zdymkach.
