U zacikaŭlenych viedamstvach Biełarusi i Rasii prachodzić uzhadnieńnie prajekt «raspracoŭki inavacyjnych hienahieahrafičnych i hienomnych technałohij identyfikacyi asoby i indyvidualnych asablivaściej čałavieka na bazie vyvučeńnia hienafondaŭ rehijonaŭ Sajuznaj dziaržavy», paviedamlaje (PDF) hazieta «Navuka».
Prajekt pad karotkaj nazvaj «DNK-identyfikacyja» dapamoža ŭ pošuku złačyncaŭ i lekavańni chvarob. Ci zakładzienaje ŭ prajekcie abaviazkovaje zaniasieńnie ŭ bazu źviestak pra kožnaha čałavieka, nie ŭdakładniajecca.
Prahrama raźličanaja na 2016-2020 hady, mierkavany biudžet składaje 3 młrd rasijskich rubloŭ (kala 55,5 młn dalaraŭ). Ź biełaruskaha boku zamoŭca prahramy — Nacyjanalnaja akademija navuk, rasijski zamoŭca — Fiederalnaje ahienctva navukovych arhanizacyj, što padtrymała inicyjatyvu śledčaha kamitetu.
Siarod metaŭ nazyvajecca zabieśpiačeńnie biaśpieki hramadzian i baraćba z teraryzmam, identyfikacyja achviar katastrof i avaryj, baraćba ź mihrantami, što znachodziacca ŭ vyšuku ŭ inšaj krainie, baraćba z narkatrafikam.
U miežach prahramy prapanujecca stvaryć bazu źviestak DNK-markieraŭ, a taksama mietady identyfikacyi pa DNK rysaŭ źniešnaści, uzroście i rehijonie pražyvańnia. Baza dazvolić vyznačyć jak samoha čałavieka, kali jaho DNK jość u bazie, tak i jaho imaviernych rodzičaŭ, kali ŭ bazie znojducca blizkija DNK-uzory.
Taksama baza DNK moža dapamahčy ŭ lekavańni i vyvučeńni sardečna-sasudzistych chvarob, dyjabietu, mietabaličnaha sindromu.
