Dvoje mužčyn zdoleli prabracca ŭ adsiek šasi samalota, jaki kiravaŭsia z PAR u Vialikabrytaniju, i pieraadoleli amal 13 tys. kiłamietraŭ, adnak pierad samaj pasadkaj adzin ź ich zahinuŭ.
Pavodle brytanskaj presy, cieła mužčyny było znojdziena na dachu ofisnaha budynka pobač z łondanskim aeraportam Chitroŭ. Charaktar paškodžańniaŭ śviedčyŭ pra toje, što zahinuły raźbiŭsia, zvaliŭšysia ź vialikaj vyšyni.
Paśla ŭžo ŭ aeraporcie vyjavili mierkavanaha spadarožnika zahinułaha mužčyny va ŭzroście ad 25 da 30 hadoŭ, jaki prylacieŭ u adsieku šasi samalota z PAR. Jon špitalizavany, bo padčas palotu atrymaŭ surjoznyja traŭmy.
Na dumku palicyi, mužčyny pasprabavali biez kvitkoŭ dalacieć da Łondana ź Jochanesburha. Dziela hetaha mužčyny zaleźli ŭ adsiek šasi «Boinha-747». Adzin ź ich sarvaŭsia z vyšyni kala 500 mietraŭ, kali samalot pačaŭ vypuskać šasi.
Sproby ažyćciavić pieralot biez kvitkoŭ u adsieku šasi vykarystoŭvajucca nieadnarazova. Adnak navat u vypadkach, kali dalacieć da miesca pryznačeńnia atrymlivajecca, arhanizm čałavieka atrymlivaje ciažkija paškodžańni z-za pieraachaładžeńnia i niedachopu kisłarodu.
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy19
Kamientary