Na Youtube źjaviŭsia pieršy trejler filma «Bulvar» — apošniaj stužki, u jakoj zdymaŭsia Robin Uiljams.
Film byŭ upieršyniu pakazany na kinafiestyvali Trajbeka (Ńju-Jork, ZŠA) ŭ 2014 hodzie, ale vyjdzie ŭ šyroki prakat tolki 10 lipienia 2015 hoda.
Drama «Bulvar» režysiora Dyta Mantyela raspaviadaje historyju Nołana (Robin Uiljams), jaki žyvie manatonnym žyćciom, užo 26 hod pracuje ŭ banku. Jany z žonkaj Džoj (Keci Bejkier) pryniali šlub jak zručnaje adciahnieńnie ad rečaisnaści. Ale adzin dzień, što pačaŭsia jak pajezdka biez mety pa nieznajomaj vulicy, stanovicca losavyrašalnym: Nołan sustrakajecca ź Lea (Rabierta Ahuajer), što vyvodzić jaho z «zony kamfortu» i prymušaje inakš pahladzieć na žyćcio.
«Bulvar» stanie apošnim źjaŭleńniem Robina Uiljamsa na ekranie. Ale ŭ filmahrafii akciora taksama značycca «Usio jak ty zachočaš» — u filmie, što vyjdzie ŭ 2016 hodzie, Uiljams ahučyŭ sabaku Denisa.
***
Robin Uiljams — akcior, pradziusar i śpiavak, uładalnik «Oskara» za najlepšuju rolu druhoha płanu za film «Razumnik Uił Chantynh», dźviuch «Emi», šaści «Załatych hłobusaŭ» i čatyroch «Hremi». Najbolš viadomy pa rolach u filmach «Tavarystva miortvych paetaŭ», «Abudžeńnie», «Džumandžy», «Doktar Adams», «Fłabier», «Dvuchsothadovy čałaviek», «Noč u muziei», «Aŭhust Raš». Skončyŭ žyćcio samahubstvam u 2014 hodzie va ŭzroście 63 hod.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary