Rasija razhortvaje sistemy supraćpavietranaj abarony na astravach u Paŭnočnym Ledavitym akijanie. Pra heta ŭ subotu, 20 červienia, zajaviŭ namieśnik kamandujučaha vojskami Pavietrana-kaśmičnaj abarony pa supraćpavietranaj abaronie Kirył Makaraŭ.
«My šmat havorym pra naroščvańnie mocy Rasii ŭ Arktycy. Uzbrojenyja siły tut taksama nie ŭ baku. U nas siońnia na vyspach u Paŭnočnym Ledavitym akijanie razhornutyja novyja srodki ŭzbrajeńnia, takija jak ZRPK (zienitny rakietna-harmatny kompleks) «Pancyr», razhortvajucca novyja radyjołakacyjnyja stancyi, chutka pryjdzie źniščalnaja avijacyja».
Jak rastłumačyŭ vysokapastaŭleny vajskoviec, «heta ŭsio robicca dla taho, kab Rasijskaja Fiederacyja adstojvała svaje intaresy pa pierymietry našaj dziaržavy, ale i taksama intaresy ŭ Arktycy».
1 červienia ministr abarony Rasii Siarhiej Šajhu zajaviŭ, što ŭ Arktycy viadziecca maštabnaje budaŭnictva vajennaj infrastruktury. Vystupajučy na naradzie ŭ vajennym viedamstvie, jon raspavioŭ, što havorka idzie pra astravy Kacielny, Uranhiela, na archipiełahu Paŭnočnaja i Novaja Ziamla.
