Bieź istotnych źmienaŭ: na hetym tydni čakajecca niaŭstojlivaje nadvorje
Na hetym tydni zachavajecca niaŭstojlivaje, umierana-ciopłaje nadvorje. Kiravać nadvorjem buduć małaaktyŭnyja atmaśfiernyja franty i pavietranyja masy z Zachodniaj, Paŭnočna-Zachodniaj Jeŭropy, paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
U aŭtorak, 23 červienia, pieravažna biez apadkaŭ, tolki ranicaj i dniom pa zachadzie karotkačasovyja daždžy, miescami navalnicy. Tempieratura nočču 7 … + 14°S, dniom 17 … + 24°S, pa paŭdniovym uschodzie da +27°S.
U sieradu, 24 červienia, nočču na bolšaj častcy, dniom miescami karotkačasovyja daždžy, navalnicy. Tempieratura nočču +9 … + 16°S, dniom 17 … + 23°S, pa ŭschodzie 24 … + 27°S.
Pačynajučy z čaćviarha i da kanca tydnia kraina budzie va ŭładzie niaŭstojlivych, vilhotnych pavietranych mas z Zachodniaj, Paŭnočna-Zachodniaj Jeŭropy.
U čaćvier, 25 červienia, miescami karotkačasovyja daždžy, navalnicy. Tempieratura nočču +8 … + 15°S, dniom 17 … + 23°S, pa ŭschodzie 24 … + 26°S.
U piatnicu i subotu (26-27 červienia) miescami karotkačasovyja daždžy, navalnicy. Tempieratura nočču 6 … + 13°S, dniom 17 … + 23°S; pa ŭschodzie nočču +14 … + 15°S, dniom miescami 24 … + 26°S.
U niadzielu, 28 červienia, miescami karotkačasovyja daždžy, navalnicy. Tempieratura nočču 6 … + 13°S, pa paŭdniovym uschodzie +14 … + 15°S; dniom 17 … + 23°S, pa paŭdniovym zachadzie 24 … + 26°S.
Dziakujučy daždžam, što prajšli ŭ vychodnyja, pažaraniebiaśpiečnaja abstanoŭka ŭ zachodniaj častcy krainy palepšyłasia, adnak na ŭschodzie zachoŭvajecca składanaja abstanoŭka, asabliva ŭ Mazyrskim rajonie (5 kłas, nadzvyčajnaja pažaraniebiaśpieka).
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary