Janukovič daŭ intervju: U Majdanie nie vinavaty, asabniak i zaapark pad Kijevam nie jaho

Były prezident Ukrainy Viktar Janukovič skazaŭ u intervju Bi-bi-si, što jon častkova niasie adkaznaść za zabojstvy padčas padaŭleńnia pratestaŭ u Kijevie ŭ lutym 2014 hoda.

Pavialičyć

U svaim pieršym intervju zachodniamu ŚMI z momantu pačatku kanfliktu na ŭschodzie Ukrainy Janukovič skazaŭ, što nikoli nie addavaŭ zahad adkryvać ahoń pa ŭdzielnikach akcyj pratestu, ale prykłaŭ niedastatkova namahańniaŭ dla taho, kab spynić krovapralićcie.

«Ja byŭ praciŭnikam, kateharyčnym praciŭnikam, krovapralićcia. Ja ličyŭ, što nijakaja ŭłada nie varta kropli kryvi ludziej. Tamu ja byŭ suprać taho, kab praliłasia kroŭ va Ukrainie. I ja zrabiŭ usio, kab va Ukrainie nie było vajny», — skazaŭ jon.

Pavialičyć

Pry hetym jon uskłaŭ adkaznaść za krovapralićcie na radykalnyja elemienty prychilnikaŭ Majdanu. Pa słovach Janukoviča, ciapierašniaja ŭkrainskaja ŭłada nie viadzie rasśledavańnie padziej na Majdanie.

«Zahad nie addavaŭ»

Na pytańnie pra hatoŭnaść viarnucca va Ukrainu, kab adkazać na abvinavačvańni ab datyčnaści da masavych zabojstvaŭ na Majdanie, Janukovič skazaŭ, što rasśledavańnie tych padziej praktyčna nie viadziecca. «… Źniščajucca ŭsie ślady tych złačynstvaŭ, jakija ździejśnienyja na Majdanie. Siońnia, kali prajšło stolki času — užo paŭtara hoda, — siońnia ŭkraincy zrazumieli, što ŭ hetych rasstrełach nie zacikaŭlenaja była ŭłada i prezident, a zacikaŭleny byli tyja … radykały, tyja, ja b skazaŭ, złačyncy, jakija vyrašyli takim šlacham zachapić uładu «, - skazaŭ jon.

Janukovič zajaviŭ, što nie addavaŭ zahadu stralać pa mitynhoŭcach.

«Ja nijakich zahadaŭ nie davaŭ. Heta nie maje paŭnamoctvy, pa-pieršaje. Pa-druhoje, ja publična kazaŭ, što ja suprać prymianieńnia siły, tym bolš — stralby. Ja suprać krovapralićcia, ja pra heta ŭvieś čas kazaŭ. Ale. Rabotniki pravaachoŭnych orhanaŭ vykonvali svaje abaviazki zhodna z zakonami isnujučymi, tamu jany mieli prava na prymianieńnie zbroi ŭ tych vypadkach, kali heta praduhledžana zakonam. I ŭ jakich vypadkach jany jaho ŭžyvali, a ŭ jakich nie ŭžyvali — u mianie hetych faktaŭ niama», — skazaŭ Janukovič.

Jon nazvaŭ vajnu na ŭschodzie krainy kašmaram, jaki staŭ realnaściu. Anieksija Kryma Rasijaj stała, pa jaho słovach, trahiedyjaj, jakoj by nie adbyłosia, kali b jon byŭ prezidentam. Jon ličyć pierśpiektyvu viartańnia Kryma Ukrainie nie zanadta realistyčnaj. «I ludzi, hałoŭnaje, krymski narod, 90% nasielnictva Kryma prahałasavała za vychad z Ukrainy. Ja liču, što heta vielmi drenna. Ale heta vynik taho, što zrabiŭ Majdan. Heta śledstva taho radykalnaha nacyjanalistyčnaha ruchu, jaki napałochaŭ nasielnictva Kryma, jakoje tradycyjna było prarasijskim».

Janukovič taksama zajaviŭ zajaviŭ, što jon nie prysvojvaŭ dziaržaŭnyja srodki i nie chavaŭ hrošy na rachunkach u zamiežnych bankach.

Jaho raskošny asabniak u pryharadzie Kijeva, jaki byŭ adkryty paśla jaho ŭciokaŭ šyrokaj publicy, pa jaho słovach, jamu asabista nie naležyć.

Płaciažy na miljony dalaraŭ, vydatkavanyja na ŭładkavańnie kompleksu, jon nazyvaje «palityčnymi technałohijami». «Jość dom na terytoryi hetaj rezidencyi, 630 kvadratnych mietraŭ, jaki naležyć Janukoviču, jaki ja kupiŭ za ŭłasnyja hrošy, jakija zadekłaravaŭ - jany ŭ mianie zadekłaravanyja, - ja kupiŭ, aficyjna zapłaciŭ u biudžet. … Usio astatniaje, što było na hetaj terytoryi, jano nie naležyć mnie asabista i nikoli nie naležała «, - adznačyŭ jon, dadaŭšy pry hetym, što znachodziŭsia na terytoryi rezidencyi zaapark jamu nie naležaŭ.

«Hety zaapark, jon znachodzicca naohuł u baku. Ja kali tam byvaŭ, to ja byvaŭ tam dva razy na hod, umoŭna kažučy, kali ŭ mianie byŭ čas. U mianie asabliva času nie było tam byvać. Ja pracavaŭ.

Choć ja lublu žyvioł, i kali ŭ mianie byŭ čas i była mahčymaść, ja tudy chadziŭ».

• 0
• 0
• 0
• 0
• 0
• 0
• 0
• 0