Učora ranicaj niepadalok ad hipiermarkieta «Prastor», što ŭ minskim mikrarajonie Šabany (d.182 pa pr-cie Partyzanskim), znojdzieny trup 34-hadovaha budaŭnika. Pa charaktary cialesnych paškodžańniaŭ miarkujecca, što jaho mocna źbili. Asoba złačyncy nie ŭstanoŭlena, paviedamlaje pres-słužba HUUS Minharvykankama.
Upraŭleńniem Śledčaha kamiteta pa h. Minsku raspačata kryminalnaja sprava. Pravaachoŭniki vyśviatlajuć abstaviny zdareńnia.
Staličnaja milicyja zaklikaje hramadzian sadziejničać vyjaŭleńniu abstavinaŭ hibieli čałavieka i prosić usich, chto bačyŭ čałavieka na fota z 22.00 24 červienia da 0.00 25 červienia na prypynku hramadskaha transpartu «Stancyja mietro «Mahiloŭskaja», na prypynku hramadskaha transpartu «Vialiki Traścianiec», kala hipiermarkieta «Prastor» abo ŭ rajonie nazvanaha hipiermarkieta, źviazacca z supracoŭnikami kryminalnaha vyšuku.
«Jość padstavy mierkavać, što ŭ dadzienaha čałavieka ŭ hety pramiežak času i ŭ hetym miescy moh paŭstać kanflikt. Usich, chto što-niebudź bačyŭ abo viedaje pra heta, taksama prosiać patelefanavać u milicyju pa telefonach 8 (029) 613-32-43, 8 (029) 346-90-45, 8 (029) 536-90-45, 8 (017) 340-02-02, 8 (029) 356-02-10», — havorycca ŭ paviedamleńni na sajcie HUUS.
Kamientary