BMW z rasijskimi numarami źnios prypynak kala Nacyjanalnaj biblijateki ŭ Minsku i źjechaŭ ź miesca DTZ FOTY
Avaryja adbyłasia dniom 30 červienia na staličnym praśpiekcie Niezaležnaści.
![](http://nnexpictures.fra1.digitaloceanspaces.com/img/w732d4webp1/photos/z_2015_06/rus2_150630-19ajo.jpg.webp)
BMW jechaŭ pa praśpiekcie ŭ bok Uručča. U niejki momant aŭtamabil paskoryŭsia, jaho raskruciła i vyniesła na pałasu sustrečnaha ruchu, paśla čaho jon vyskačyŭ na tratuar, dzie ŭrezaŭsia ŭ prypynak. Kiroŭca BMW niekatory čas pastajaŭ na miescy avaryi, paśla čaho źbieh.
![](http://nnexpictures.fra1.digitaloceanspaces.com/img/w732d4webp1/photos/z_2015_06/rus1_150630-pkmc9.jpg.webp)
Pavodle papiaredniaj infarmacyi, u momant avaryi ludziej na prypynku nie było. U DTZ nichto nie paciarpieŭ.
Na miescy zdareńnia pracujuć supracoŭniki DAI.
![](http://nnexpictures.fra1.digitaloceanspaces.com/img/w732d4webp1/photos/z_2015_06/rus3_150630-ae6fy.jpg.webp)
U DAI Pieršamajskaha rajona raspaviali, što na aŭtamabili ŭstalavany rehistracyjny znak «u888nk 66 rus». Inśpiektary prosiać usich, kamu niešta viadoma pra miescaznachodžańnie kiroŭcy abo aŭtamabila, patelefanavać na 222-17-17 (dziažurnaja častka DAI Minska) abo 102.
Kamientary