Litva nie pavinna ŭviazvacca ŭ dyskusii i źviartać vialikuju ŭvahu na pačataje rasijskimi prakurorami rasśledavańnie zakonnaści niezaležnaści Bałtyjskich krain, zajaviŭ pieršy kiraŭnik Litvy.
Pavodle jaho słoŭ, takim krokam Maskva sprabuje spravakavać sprečku.
«Jany znoŭ sprabujuć nas spravakavać na niejkuju sprečku. Našy palityki, členy Ciejma mahli b źviarnucca ŭ litoŭskuju prakuraturu z zapytam ab zakonnaści Rasii. Pakolki Rasija chutčej za ŭsio niezakonnaja — jana zrynuła cara, zabiła jaho ź dziećmi, dyk jakaja ž heta dziaržava?» — skazaŭ Vitaŭtas Łandśbierhis.
Tak były staršynia Viarchoŭnaj Rady Litvy adkazaŭ na pytańnie ab paviedamleńni rasijskich ŚMI pra toje, što Hienprakuratura Rasii pačała pravierku, ci było zakonnym rašeńnie Dziaržrady SSR ad 1991 pryznać niezaležnaść Bałtyjskich krain.
«Čamu ciapier? Tamu, što niama čym zaniacca, abo ŭ ich jość niejki płan. Zaŭsiody jany praviarajuć našu ŭraźlivaść abo stałaść. Kali nam nie chapaje stałaści, my pačynajem turbavacca, dakazvać, što my majem racyju, i tady jany atrymlivajuć plus, što pytańnie sprečnaje. Navat nie treba źviartać uvahi, tym bolš, dyskutavać», — skazaŭ V. Łandśbierhis.
