Jeŭrahrupa nie pahadziłasia restrukturavać doŭh i praciahvać prahramu dapamohi Hrecyi, paviedamili ŭ «Tvitery» ministry finansaŭ Słavakii Piotr Kazimir i Finlandyi Alaksander Stub.
Heta aznačaje, što apoŭnačy pa miascovym časie (01:00 pa Minsku) minaje padoŭžanaja da 30 červienia druhaja prahrama mižnarodnaj finansavaj dapamohi Hrecyi, u ramkach jakoj Afiny niedaatrymali kala 7,2 młrd jeŭra.
Kiraŭnik Jeŭrahrupy Jerun Dejsielbłum zajaviŭ, što kali Hrecyja pradstavić u sieradu novuju prapanovu partnioram pa jeŭrazonie, jaje abmiarkujuć u toj ža dzień.
Pradstaŭnik kiraŭnika Jeŭrahrupy adznačyŭ, što čarhovaja sustreča taksama projdzie ŭ farmacie telekanfierencyi ŭ sieradu ranicaj paśla abviaščeńnia ab novym liście ad urada Hrecyi.
Hrečaski ŭrad prapanavaŭ jeŭrapiejskim kredytoram novy płan vychadu ź pieraddefołtavaha kryzisu litaralna za niekalki hadzin da taho, jak pavinien skončycca krajni termin vypłaty za 1,6 młrd jeŭra Mižnarodnamu valutnamu fondu.