Pravasłaŭnaja carkva prypyniła pabudovu kaplicy na Linii Stalina, pakul stul nie pieraniasuć biust tyrana
Staršynia Sinadalnaha infarmacyjnaha adździeła BPC protaijerej Sierhij Lepin u kamientary da abmierkavańnia naviny «Pravasłaŭnaja kaplica na «Linii Stalina» budzie pabudavana pobač z pomnikam dyktataru» paviedamiŭ, što «pracy nad kaplicaj spynienyja. Nastupny etap — pieranos pomnika Stalinu. Pakul heta nie adbudziecca, pracy nie buduć praciahnutyja».
Kaplicu ŭ honar Alaksandra Nieŭskaha na terytoryi Historyka-kulturnaha kompleksu «Linija Stalina» płanavali pabudavać jašče z 2009.
Intensiŭnyja pracy pa budaŭnictvie kaplicy pačalisia napiaredadni Fiestyvalu pravasłaŭnaj moładzi, jaki płanujecca pravieści na terytoryi «Linija Stalina» 18—19 lipienia, padčas jakoha i miełasia być aśviečana kaplica.
Toje, što kaplica raźmiaščajecca prosta na ŭzhorku, u centry jakoha ŭstanoŭleny pomnik Stalinu, jaki i źjaŭlajecca miescam pakłanieńnia savieckamu dyktataru, vyklikała rezanans jak u pravasłaŭnym, tak i ŭ śvieckim asiarodździ.
Čamu kiraŭnikom svajoj Administracyi Łukašenka pastaviŭ Dźmitryja Krutoha? Jon moža stać pierajemnikam?3
Kamientary