Vinšavańni z nahody atrymańnia premii imia Vasila Bykava «Za Svabodu dumki» dasłaŭ narodnamu paetu Biełarusi Niłu Hileviču staršynia Jeŭrapiejskaha parłamienta Marcin Šulc, paviedamlaje pres-słužba ruchu «Za svabodu».
«Ja vielmi rady, što hetaja premija źjaŭlajecca praciaham premii imia Andreja Sacharava, zasnavanaj Jeŭrapiejskim parłamientam, jakaja maje na mecie ŭhanaravać vybitnych ludziej, jakija zmahajucca suprać nieciarpimaści, fanatyzmu i pryhniotu za zmahańnie za pravy čałavieka i svabodu volevyjaŭleńnia», — adznačyŭ Marcin Šulc.
Jon nahadaŭ, što «sacharaŭskaja premija «Za svabodu dumki» źjaŭlajecca najvyšejšaj ŭznaharodaj Jeŭrapiejskaha sajuzu za namahańni ŭ abaronu pravoŭ čałavieka, jana ŭhanaroŭvaje asobaŭ, hrupy ludziej i arhanizacyi za vybitny ŭniosak u pašyreńnie svabody dumki».
«Premijaj imia Vasila Bykava uznaharodžvajucca vydatnyja asoby, jakija pryśviacili svaju hramadskuju i tvorčuju dziejnaść Biełarusi i Svabodzie. Vaš vybitny ŭniosak u biełaruskuju kulturu i nacyjanalnaje adradžeńnie i jak paeta, i jak palityka šyroka viadomy i pa-za miežami Biełarusi», - padkreśliŭ staršynia Jeŭraparłamienta.
Pa jahonych słovach, jon uśviedamlaje, «kolki advahi, ciarpieńnia, mocy i nievierahodnaj siły voli vymahaje» šlachietnaja sprava Hileviča.
Čamu kiraŭnikom svajoj Administracyi Łukašenka pastaviŭ Dźmitryja Krutoha? Jon moža stać pierajemnikam?3
Kamientary