Pytańnie ab advodzie ŭzbrajeńniaŭ kalibram mienšym za 100 mm ad linii sutyknieńnia ŭ Danbasie pakul nie vyrašanaje, zajaviŭ pradstaŭnik ABSIE ŭ trochbakovaj kantaktnaj hrupie pa Ukrainie Marcin Sajdzik pavodle vynikaŭ pasiadžeńnia, što prajšło 7 lipienia ŭ Minsku, paviedamlaje BiełaPAN.
«Tut byli sapraŭdy surjoznyja pieramovy, — adznačyŭ jon. — Padhrupa pa biaśpiecy kantaktnaj hrupy abmiarkoŭvała situacyju ŭ pasiołku Šyrokina i pytańnie advodu ŭzbrajeńniaŭ kalibram mienšym za 100 mm. U hetym pytańni, spadziajemsia, my možam užo pryniać rašeńnie nastupnym razam».
Miž tym, pradstaŭnik «DNR» Dzianis Pušylin učora zajaviŭ, što kampramis pa dadzienym pytańni ŭžo znojdzieny.
Jak dalej paviedamiŭ dypłamat, na pasiadžeńni padhrupy pa ekanomicy razmova išła ab «pytańniach vodazabieśpiačeńnia i pasłuhach mabilnaha bankinhu što da vypłaty piensij». Padhrupa pa biaśpiecy abmierkavała «pytańnie dostupu da pałonnych».
Śpiecpradstaŭnik ABSIE nijak nie prakamientavaŭ vyniki sustrečy padhrupy pa palityčnych pytańniach. Atmaśfieru siońniašnich pieramoŭ u Minsku Sajdzik acharaktaryzavaŭ jak kanstruktyŭnuju. Pavodle jaho słoŭ, nastupny raŭnd adbudziecca praz dva tydni.
«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary3
Kamientary