Novyja «Łaŭcy pryvidaŭ» na FOTA: kaściumy, mašyna i pratonnaja harmata
Miarkujecca, što novyja «Łaŭcy pryvidaŭ» z hałoŭnymi hierojami-žančynami vyjdzie ŭ prakat u lipieni 2016 hoda. Ale mnohija detali filma ŭžo viadomyja: nie tolki akciorski skład, ale i charakternyja detali śvietu filmaŭ, «madernizavanyja» pad našy dni.
Novyja «Łaŭcy pryvidaŭ» niadaŭna sfatahrafavalisia ŭ «bajavych» kaściumach. Fota nieaficyjnaje, jano było apublikavanaje na forumie NeoGAF fanatami. Mahčyma, u chutkim časie źjaviacca i aficyjnyja zdymki.
Forma na fota adpaviadaje toj, što raniej pakazvaŭ režysior filma Poł Fih u svaim tvitary. Tak što možna nie sumniavacca ŭ praŭdzivaści papiarednich fota.
Novyja «Łaŭcy pryvidaŭ» pierasiaduć na novuju mašynu. Dakładniej, krychu bolš novuju za Ecto-1 z aryhinalnaj dyłohii, zrobleny z Cadillac Professional 1959 hoda. Zdymki novaj mašyny publikavaŭ u svaim tvitary Fih. Fanaty adznačajuć, što na novaj mašynie źjavilisia anteny, jakija malavaŭ na rańnich kanceptach Den Ejkrajd, akcior i scenaryst aryhinalnych filmaŭ. Mahčyna, novyja «Łaŭcy pryvidaŭ» zmohuć adsočvać pryvidaŭ u ruchu.
Što cikava, adnu z akciorak zaŭvažyli na zdymačnaj placoŭcy na matacykle z łahatypam «Łaŭcoŭ pryvidaŭ», fota apublikavali na tym ža NeoGAF. Pakul nie zrazumieła, ci źjavicca jon u filmie.
Viadoma i jak budzie vyhladać pratonny hienieratar — zbroja «Łaŭcoŭ pryvidaŭ». Fota zaplečnika-harmaty Fih taksama publikavaŭ u svaim tvitary — razam z tłumačeńniami.
Kamientary