Restaran Burger King, jaki adkryŭsia 9 lipienia ŭ Minsku, staŭ pieršym fastfudam u Biełarusi, dzie pakupniki mohuć nalivać sabie biezałkaholnyja napoi ŭ nieabmiežavanych kolkaściach. Niekatoryja naviedniki ŭstanovy skarystalisia hetaj mahčymaściu i pačali pieralivać haziroŭku ŭ pryniesienuju z saboj taru, pra što ŭžo źjaviłasia mnostva žartaŭ u siecivie. Ci nie ranavata było ŭvodzić u našaj krainie sistemu refił i jak administracyja źbirajecca zmahacca z pradprymalnymi haradžanami, raspaviali ŭ kampanii «Burhier BK».
Subiasiednica Tut.by raspaviadaje, što ŭviadzieńnie ŭ Burger King sistemy refił było ich ułasnaj inicyjatyvaj, a nie umovaj franšyzy. Kaža, što ŭ «Burhier-BK» čakali, što mahčymaść kuplać napoi nieabmiežavana budzie dla minčukoŭ pryjemnaj niečakanaściu.
- Ale my nie zusim čakali, što napoi buduć pieralivać u pryniesienuju taru. Ale, jak vy zaŭvažyli, nichto rabić hetaha nie zabaraniaŭ.
Niahledziačy na aktyŭnaść pakupnikoŭ, napoju chapiła ŭsim, i sistema refił budzie pracavać dalej, adznačaje jana. Ź mietadaŭ procidziejańnia tym, chto pryjšoŭ u Burger King sa svajoj butelkaj, surazmoŭnica raspaviadaje tolki ab adnym.
- Mahčyma, źjavicca niejkaja tablička,
a bolš ja ničoha kamientavać nie budu.
U kampanii kažuć, što nie bajacca nastupstvaŭ uviadzieńnia bieźlimitnych napojaŭ u miascovych umovach.
- My dumajem, što z časam ažyjataž spynicca i ludzi stanuć pravilna vykarystoŭvać sistemu refił.
Takoj situacyi, jak učora, niama nie tolki ŭ Jeŭropie, ale i ŭ Rasii, i, napeŭna, biełaruski mientalitet ničym takim kardynalnym nie adroźnivajecca ad rasijskaha.
Surazmoŭca śćviardžaje, što sistema refił budzie pracavać i ŭ inšych restaranach Burger King, jakija jany źbirajucca adčyniać. Darečy, navat nie va ŭsich maskoŭskich ustanovach sietki možna kupić napoi bieźlimitna, dy i piva tam kaštuje troški daražej. U nas za 0,5 raźliŭnoha prosiać usiaho 23 tysiačy i ŭ bližejšy čas, mabyć, tak i jano budzie.
- My tolki vyjšli na biełaruski rynak i, naturalna, padymać ceny na druhi dzień nie płanujem.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary