U mai rost ekspartu na 11,5% da krasavika dazvoliŭ Biełarusi znoŭ vyjści na dadatnaje salda handlu tavarami i pasłuhami, paśla taho jak u krasaviku salda ŭpieršyniu ŭ hetym hodzie akazałasia admoŭnym, paviedamlaje Nacbank. Pry hetym impart u mai zastaŭsia na krasavickim uzroŭni.
U studzieni-mai 2015 dadatnaje salda zamiežnaha handlu tavarami i pasłuhami skłała 674 900 000 dalaraŭ, što na 33,3% bolš za anałahičny pieryjad 2014 hoda.
Ekspart tavaraŭ i pasłuh za 5 miesiacaŭ upaŭ na 25,9% - da 13,5 młrd, impart skaraciŭsia na 28,2% - da 12,8 młrd.
Tradycyjna admoŭnym skłałasia salda handlu tavarami - minus 323,6 młn, i heta na 12,6% bolš, čym u studzieni-mai 2014-ha, kali admoŭnaje salda dasiahała minus 287,4 młn.
Ekspart tavaraŭ u studzieni-mai skaraciŭsia na 28,3%, da 10,9 młrd dalaraŭ, impart - na 27,5%, da 11,2 młrd.
Minus ad handlu tavarami ŭdałosia kampiensavać za košt pasłuh. Źnižeńnie ich ekspartu było bolš ścipłym - abjom skłaŭ 2,6 młrd dalaraŭ, što na 14,2% mienš za piać miesiacaŭ minułaha hoda. Impart ŭpaŭ adrazu na 32,8%, skłaŭšy za 1,6 młrd. Salda zamiežnaha handlu pasłuhami było stanoŭčym - 998,5 młn dalaraŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary