Pantałony brytanskaj karalevy Viktoryi pradali za 12 tysiač funtaŭ FOTA
Pantałony brytanskaj karalevy Viktoryi z abchopam talii ŭ 114 sm byli pradadzienyja za 12090 funtaŭ sterlinhaŭ na aŭkcyjonie ŭ Vialikabrytanii. Nižniaja bializna pajšła z małatka razam z načnoj kašulaj, pančochami i kapielušami, jakija nasili Jaje Vialikaść i pryncesa Alisa. Pra heta paviedamlaje The Daily Mail.
![](http://nashaniva.com/img/w732d4webp1/photos/z_2015_07/knickers1107-15059.jpg.webp)
Usie hetyja pradmiety znachodzilisia ŭ muziei «Učorašniaha śvietu» va ŭschodnim Saseksie. Na kožnym elemiencie harderoba krasujucca inicyjały VR, što aznačaje «Victoria Regina» (karaleva Viktoryja). Aŭkcyjanier Ryčard Edmands skazaŭ, što adzieńnie i spodniaje ŭ cudoŭnym stanie, tamu što jany zachoŭvalisia ŭ śpiecyjalnaj papiery i ŭ pamiaškańni z kantralavanaj tempieraturaj. Da ekspanataŭ była prajaŭlenaja vialikaja cikavaść.
Heta ŭžo treci pradmiet nižniaj bializny karalevy Viktoryi, jaki kuplajuć za rekordnuju canu.
![](http://nashaniva.com/img/w732d4webp1/photos/z_2015_07/knickers11072-ihbwx.jpg.webp)
U aŭkcyjonnych damach Čypienchiema va Uiłtšyry datavali bializnu kancom 1890-ch hadoŭ. Niejki pryvatny kalekcyjanier z Anhlii nabyŭ pantałony razam ź inšymi pradmietami adzieńnia i naboram kopij kaštoŭnych kamianioŭ, jakimi była inkrustavanaja karona Viktoryi.
Kamientary