Kiraŭnik MZS Biełarusi nazvaŭ plusy i minusy hrečaskaha kryzisu dla Biełarusi
Dramatyzavać situacyju z kryzisam u Hrecyi i jaho ŭpłyvu na Biełaruś nie varta. Pra heta ministr zamiežnych spraŭ Biełarusi Uładzimir Makiej raspavioŭ u pieradačy «Hałoŭny efir» na telekanale «Biełaruś-1».
«Viadoma, nas nie moža turbavać toje, što adbyvajecca za płotam u našych susiedziaŭ, — skazaŭ kiraŭnik MZS. — Devalvacyja jeŭra budzie mieć niehatyŭnyja nastupstvy dla našych tavaraŭ, jakim budzie składaniej kankuravać na rynku ES. A z druhoha boku, my zmožam tańniej nabyvać vysokatechnałahičnaje abstalavańnie ŭ jeŭrazonie».
Uładzimir Makiej taksama adznačyŭ, što z ulikam kursu na dyviersifikacyju rynku, Biełaruś imkniecca bolš aktyŭna vyjaŭlać siabie na novych rynkach, prasoŭvajučy ajčynnuju pradukcyju ŭ tym liku i krainach dalokaj duhi. Takaja palityka dapamoža paźbiehnuć zaležnaści ad niejkaha kankretnaha rynku zbytu, naprykład, ES.
Nahadajem, u kancy minułaha hoda Alaksandr Łukašenka zapatrabavaŭ bolš aktyŭna šukać novyja rynki i nazvaŭ hieahrafičnuju dyviersifikacyju adnym z hałoŭnych pryjarytetaŭ u ekanomicy.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary