Samit doŭžyŭsia bolš za 17 hadzin.
Lidary krain jeŭrazony dasiahnuli damoŭlenaści na samicie ŭ Bruseli, pryśviečanym hrečaskamu kryzisu.
Pra heta ŭ tvitary paviedamili niekalki aficyjnych asob, uklučajučy premjer-ministra Bielhii Šarla Mišela. «Pahadnieńnie», — napisaŭ jon u svaim mikrabłohu paśla čarhovaha raŭndu sustrečy.
Jaho słovy paćvierdziŭ taksama pradstaŭnik ŭrada Kipra. Kankretnyja ŭmovy damoŭlenaściaŭ pakul nie viadomyja, piša lenta.ru.
Jak napisaŭ u svaim tvitary prezident Jeŭrapiejskaj rady Donald Tusk, lidary ES dasiahnuli pahadnieńnia ab finansavaj dapamozie hrečaskaj ekanomicy.
«Na jeŭrasamicie dasiahnuta adnadušnaje pahadnieńnie. Usio hatova dla prahramy dapamohi Hrecyi z surjoznymi reformami i finansavaj padtrymkaj», — paviedamiŭ Tusk.
Kiraŭnik Jeŭrakamisii Žan-Kłod Junkier zajaviŭ, što Hrecyja nie pakinie jeŭrazonu. Jon taksama adznačyŭ, što ŭdzielniki pieramovaŭ zadavolenyja vynikam samitu, piša Deutsche Welle.
Anhieła Mierkiel zaklikała bundestah padtrymać novuju prahramu dapamohi Hrecyi. Pavodle jaje słoŭ, u dasiahnutym u chodzie samitu jeŭrazony pahadnieńni «plusy pieravažajuć nad minusami». Jana adznačyła, što hrečaskija ŭłady pavinny pryniać asnoŭnyja reformy da 15 lipienia.
***
Kancler Hiermanii Anhieła Mierkiel, prezident Francyi Fransua Aland i staršynia Jeŭrarady Donald Tusk dasiahnuli «kampramisu» z premjer-ministram Hrecyi Aleksisam Cyprasam pierad adnaŭleńniem samitu lidaraŭ krain jeŭrazony.
Pra heta paviedamlaje AFP sa spasyłkaj na jeŭrapiejskaha čynoŭnika.
Pry hetym pradstaŭnik Tuska Prebien Aaman paviedamiŭ u svaim tvitary, što jeŭrasamit budzie adnoŭleny dla abmierkavańnia kampramisnaj prapanovy pa vychadzie Hrecyi z daŭhavoha kryzisu. Nijakich padrabiaznaściaŭ pahadnieńnia Aaman nie paviedamiŭ.
Raniej pradstaŭnik hrečaskich uładaŭ zajaviŭ AFP, što Afiny rascanili prapanovu Jeŭrahrupy jak «vielmi drennuju».
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary