Abvinavačany pa spravie ab trahiedyi na vulicy Haja vyzvaleny ad kryminalnaj adkaznaści pa stanie nieadekvatnaści i budzie nakiravany na prymusovaje psichijatryčnaje lačeńnie.
Dziejańni mužčyny, jaki ździejśniŭ DTZ, u vyniku jakoha zahinuli muž i žonka, a taksama sprabavaŭ zabić svaju žonku i dvuch małaletnich dziaciej, kvalifikavanyja pa č.1 art.14; p.1, 2, 6 č.2 art.139; p.1, 5, 16 č.2 art.139; č.2 art.218 Kryminalnaha kodeksa Biełarusi. Sprava słuchałasia na zakrytych sudovych pasiadžeńniach, kab nie vydavać miedycynskuju tajamnicu, bo abvinavačany pryznany nieadekvatnym. Z prośbaj ab hetym vystupiła dziaržaŭny abvinavaŭca.
Da ŭvachodžańnia pastanovy suda ŭ zakonnuju siłu pastanoŭlena mieru strymańnia abvinavačvanamu pakinuć raniejšaj — źniavoleńnie pad vartaj.
Pastanoŭlena spahnać z abvinavačvanaha na karyść adnaho z paciarpiełych — syna zahinułych u DTZ — materyjalnaje kampiensavańnie maralnaha ŭronu ŭ pamiery 300 młn. rubloŭ, jašče dvuch paciarpiełych — svajakoŭ zahinułych — pa 200 młn. rubloŭ.
DTZ adbyłosia ŭ Minsku 8 listapada 2014 h. na vulicy Haja. Mužčyna kiravaŭ aŭtamabilem «Aŭdzi A8» i sutyknuŭsia z «Aŭdzi 100», paśla čaho paškodziŭ jašče niekalki pryparkavanych uzdoŭž darohi aŭtamabilaŭ. Kiroŭca i pasažyr «Aŭdzi 100» pamierli na miescy. Zhodna z zaklučeńniem psichołaha-psichijatryčnaj ekśpiertyzy, abvinavačany nie ŭśviedamlaŭ svaich dziejańniaŭ z-za psichičnaha stanu.
Pierad DTZ abvinavačany, znachodziačysia ŭ siabie doma, paraniŭ nažom žonku, małaletniaha syna i dačku. Jašče raniej jon prychodziŭ z nažom u dziciačy sad, jaki naviedvała jaho dzicia, i kazaŭ vychavalnicy, a taksama niekatorym baćkam: «U vočy mnie nie hladzicie». Paśla hetaha była vyklikanaja milicyja, ale pryjezd supracoŭnikaŭ orhanaŭ unutranych spraŭ ničym nie skončyŭsia. Paźniej ministr unutranych spraŭ Biełarusi Ihar Šunievič paviedamiŭ žurnalistam, što MUS pakarała za nieprafiesijanalizm niekalkich supracoŭnikaŭ milicyi, jakija vyjazdžali ŭ dziciačy sad.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary