Złučanyja Štaty Amieryki niejtralnyja ŭ dačynieńni da kandydataŭ na vybarach prezidenta Biełarusi. Ab hetym u intervju prahramie «Kontury» telekanała ANT viečaram 12 lipienia zajaviŭ časovy pavierany ŭ spravach ZŠA ŭ Biełarusi Skot Rołand.
«U nas vyraznaja pazicyja nakont lubych vybaraŭ va ŭsim śviecie, — zajaviŭ amierykanski dypłamat. — My zaklikajem da praviadzieńnia vybaraŭ jak spraviadlivaha i prazrystaha pracesu, u jakim vyražajecca vola naroda».
ZŠA, pavodle słoŭ kiraŭnika pasolstva, nie raz zajaŭlali: «my ni za i ni suprać niejkaha kankretnaha kandydata na biełaruskich vybarach». «My vystupajem u padtrymku pracesu spraviadlivaha, prazrystaha i svabodnaha ad zapužvańnia. Udzieł u hetym pracesie pavinien być dastupny ŭsim», — adznačyŭ Rołand.
Pieradvybarnaja kampanija, jak padkreśliŭ amierykanski dypłamat, nie mienš važnaja, čym samo hałasavańnie, — heta ahulnaja pazicyja Złučanych Štataŭ i ABSIE. «My zaklikajem ułady dać mahčymaść pradstaŭnikam hramadzianskaj supolnaści i apazicyjnych partyj zarehistravacca ŭ jakaści kandydataŭ i bieź pieraškod udzielničać u kampanii», — zajaviŭ kiraŭnik dypmisii ZŠA ŭ Minsku.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary