Azaranka viarnułasia ŭ dvaccatku najlepšych tenisistak suśvietnaha rejtynhu
Biełaruskaja tenisistka Viktoryja Azaranka pa vynikach Uimbłdonskaha turniru padniałasia na 5 radkoŭ u abnoŭlenym rejtynhu WTA i ŭvajšła ŭ dvaccatku najlepšych u śviecie.
Na Uimbłdonie Viktoryja Azaranka dabrałasia da čverćfinału, dzie ŭ troch setach sastupiła budučaj pieramožcy turniru, pieršaj rakietcy płaniety amierykancy Sierenie Uiljams.
U vyniku Azaranka padniałasia ŭ rejtynhu z 24-ha na 19-je miesca.
U dvaccatcy najmacniejšych Azaranka nie było ź vieraśnia 2014 hoda, kali jana sastupiła ŭ čverćfinale US Open i vybyła z top-20, apuściŭšysia na 24-je miesca. Z tych časoŭ padzieńnie Azaranka, što pačynała 2014-y druhoj rakietkaj śvietu, praciahvałasia da lutaha hetaha hoda i spyniłasia na adznacy «49» rejtynhu (heta byŭ horšy pakazčyk ź lipienia 2007 hoda). Paśla čaho biełaruska pastupova stała advajoŭvać pazicyi.
U 40 najmacniejšych Azaranka viarnułasia 2 sakavika, u top-30 — 11 maja, u top-25 — 15 červienia.
Vierahodna, pazicyi biełaruski siońnia mahli być i vyšejšyja, ale na šlachu Azaranka na bujnych turnirach niekalki razoŭ stanaviłasia mienavita Sierena Uiljams.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary