U kratary padvodnaha vułkana Kavačy na poŭdni Cichaha akijana navukoŭcy znajšli dva vidy akuł, mieduzu i skata dy niekalki vidaŭ ryb, raspaviadaje National Geographic.
Śpiecyjalnaja kamiera daśledčykaŭ vytrymała haračuju kisłotnuju vadu la padvodnaha kratara tolki hadzinu. Padobna, što žyvyja arhanizmy mohuć znachodzicca tam značna dolej.
«Zadaješsia pytańniem, da jakich ekstremalnych asiarodździaŭ hetyja žyvioły adaptavanyja, — kaža aŭtar videa, akieanołah Brenan Filips. — Jakija źmieny jany pieražyli? Ci tolki niekatoryja žyvioły mohuć pieražyć ich?»
Kavačy — adzin z samych aktyŭnych padvodnych vułkanaŭ, vyviaržeńni adbyvajucca rehularna. Vada ŭ jaho kratary na hłybini 45 mietraŭ vielmi haračaja, ź vielmi vysokim uzroŭniem kisłotnaści. Ale bronzavaja akuła-mołat, šaŭkovaja akuła, chvostakołapadobny skat i inšyja prystasavalisia i da takich umoŭ.
Viadoma, kali nie adbyvajucca vyviaržeńni, što čuvać navat nad vadoj u radyusie 10 mil.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary