Ź vieraśnia ŭ Biełarusi płanujecca ŭkaranić sistemu vybarnaści rektaraŭ VNU. Pra heta paviedamiŭ ministr adukacyi Michaił Žuraŭkoŭ 13 lipienia na sieminary dla kiraŭnikoŭ dypłamatyčnych pradstaŭnictvaŭ i konsulskich ustanoŭ Biełarusi ŭ Akademii kiravańnia pry prezidencie, paviedamlaje pres-słužba Minadukacyi.
svaboda.org
Dla ŭdziełu ŭ vybarach kandydaty ŭ rektary pavinny buduć pradstavić svaje prahramy dziejańniaŭ na razhlad Savieta ŭniviersiteta, jaki zatym zaćvierdzić lepšyja ź ich i padać u Ministerstva adukacyi. Prahramy kandydataŭ pavinny sadziejničać raźvićciu ŭniviersiteta va ŭsich śfierach, u tym liku adukacyjnaj, materyjalna-techničnaj, navukovaj.
Nahadajem, u mai hetaha hoda Biełaruś dałučyłasia da Bałonskaha pracesu i ŭstupiła ŭ Jeŭrapiejskuju prastoru vyšejšaj adukacyi, adnak pry ŭmovie vykanańnia patrabavańniaŭ darožnaj karty. Vybarnaść rektaraŭ źjaŭlajecca adnym z pryncypaŭ Bałonskaha pracesu i ŭmovaj darožnaj karty.
Jak zaznačyli ŭ pres-słužbie, dla vykanańnia ŭsich patrabavańniaŭ darožnaj karty Biełaruś taksama płanuje «ŭdaskanalić nacyjanalnuju sistemu kvalifikacyj, sumiaścić jaje ź jeŭrapiejskaj», a taksama «pravieści strukturnyja reformy pa pavyšeńni ŭzroŭniu akademičnaj mabilnaści i h.d.».
