Žanr: multfilm, kamiedyja, siamiejny
Režysior: Kajł Bałda, Pjer Sofin
U rolach (ahučka): Sandra Bałak, Džon Chem, Majkł Kitan, Elisan Dženi, Styŭ Kuhan, Dženifier Sonders
ZŠA, 91 chv.
Adznaka: 5
Mińjony — žoŭtyja pamočniki zładziejaŭ, jakija isnujuć spradvieku. Jany majuć tolki adnu metu — słužyć samym ambicyjnym sa złačyncaŭ.
Paśla taho, jak mińjony pa svajoj duraści źniščyli svaich haspadaroŭ, uklučna z Drakułaj, tyranazaŭram Reksam i Napaleonam, jany izalavalisia ad śvietu i pačali novaje žyćcio ŭ Antarktydzie.
Adnak u 1960-ch adsutnaść haspadara daviała ich da depresii, tamu Kievin, Ściuart i Bob adpravilisia šukać novaha. Trojca traplaje na złačynnuju kanfierencyju, dzie vyrašaje zmahacca za prava być prysłužnikami Skarlet Ovierkił, stylovaj lichadziejki, jakaja maje nadzvyčaj ambicyjnyja mary.
Animacyjnaja stužka źjaŭlajecca adnačasova prykviełam (historyja padziej da asnoŭnaha filma) i śpinofam (adhalinavańnie asnoŭnaha siužeta raniejšaha tvora) sieryi multfilmaŭ «Brydki ja» (2010, 2013) i apaviadaje pra toje, jak źjavilisia mińjony i što ź imi adbyvałasia da sustrečy sa złodziejem Hru.
Supierzładziejku ŭ multfilmie syhrała i ahučyła Sandra Bałak. Heta pieršaja admoŭnaja hierainia aktrysy.
«Kožny akcior skaža, što zaŭsiody chacieŭ syhrać lichadzieja. Heta ž takaja palohka! Zaŭsiody robim ź siabie dabrakoŭ, a tut možna pakazać svaju sapraŭdnuju sutnaść», — pažartavała Bałak z hetaj nahody.
Stvaralniki prajekta nadali kožnamu hieroju asablivy tvar. «Dla nas važna stvarać hłybokich piersanažaŭ, jakija nie jość płoskimi, a majuć charaktar. I ŭsie ž my hladzim na zło praz pryzmu kamiedyi. Znachodzim śmiešnaje ŭ drennym», — raskazaŭ pradziusar Krystafier Mieledandry. Režysior Pjer Sofin sam ahučyŭ usich 899 mińjonaŭ: istoty imitujuć movu, tolki časam užyvajučy zrazumiełyja słovy.
Siužet krucicca vakoł śmiešnych i niajomkich situacyj, u jakija traplajuć mińjony, sprabujučy dapamahać svaim haspadaram. Fonam dla padziej stała Vialikabrytanija — jaje abiraje Skarlet Ovierkił dla ździajśnieńnia svaich maraŭ.
Multfilm maje rejtynh 6+ i padychodzić dla siamiejnaha prahladu.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary