Abama raspavioŭ pra telefanavańnie Pucina i niečakanuju padtrymku Rasii
washingtonpost.com
Prezident ZŠA Barak Abama paviedamiŭ pra niečakanuju dapamohu rasijskaha boku ŭ iranskim pytańni. Pra heta jon zajaviŭ u intervju vydańniu The New York Times.
Na pytańnie pra rolu rasijskaha prezidenta Uładzimira Pucina ŭ zaklučeńni ździełki jon adkazaŭ: «Rasija akazała dapamohu ŭ hetym».
«Ja budu ščyry z vami. Ja nie byŭ upeŭnieny, uličvajučy mocnyja roznahałośsi z Rasijaj vakoł ukrainskaha pytańnia, ci budzie padtrymka. My b nie dasiahnuli hetaha pahadnieńnia, kali b nie hatoŭnaść Rasii padtrymlivać nas i inšych členaŭ «šaściorki», — skazaŭ amierykanski lidar.
Taksama prezident ZŠA paviedamiŭ pra toje, što niekalki tydniaŭ tamu jamu telefanavaŭ Pucin.
«Ja natchniŭsia tym, što Pucin patelefanavaŭ mnie paru tydniaŭ tamu i inicyjavaŭ razmovu ab Siryi. Ja dumaju, jany razumiejuć, što režym Asada hublaje kantrol nad usio bolšaj častkaj Siryi i pierśpiektyvy źviaržeńnia režymu sunitami-džychadzistami nie źjaŭlajucca niepaźbiežnymi, heta stanovicca ŭsio bolšaj pahrozaj štodnia. Heta daje nam mahčymaść pačać surjoznuju razmovu ź imi», — zajaviŭ Abama.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary