Jak paviedamili ŭ Ministerstvie ŭnutranych spraŭ, u pieršym paŭhodździ 2015 u Biełarusi zarehistravana na 22,3% bolš faktaŭ falšyvamaniectva, čym u anałahičnym pieryjadzie minułaha hoda (471 kryminalnaja sprava suprać 385).
Najbolš padroblivajuć dalary ZŠA (252 vypadki), amal tracina vypadkaŭ — rasijskija rubli (137), zatym jeŭra (53), biełaruskija rubli (25).Trojčy padrablali kitajskija juani, adzin raz ukrainskuju hryŭniu.
Čaściej padroblivajuć banknoty ŭ 100 dalaraŭ, 5 tysiač rasijskich rubloŭ, 50 i 100 jeŭra, 50 tysiač i 200 tysiač biełaruskich rubloŭ.
Najbolš falšyvych hrošaj uvieziena ŭ Biełaruś z Rasii (64,8%), zatym iduć Ukraina, Polšča, Litva, inšyja krainy Jeŭropy (8,1%).
Za pieršaje paŭhodździe ŭ krainie zatrymali 6 falšyvamanietčykaŭ, kanfiskavana 1136 padroblenych banknot.
116 razoŭ ludzi sprabavali abmianiać «suvienirnyja» hrošy.
U MUS zaklikajuć usie valutnyja apieracyi pravodzić u śpiecyjalna pryznačanych dla hetaha ustanovach, nie kuplać valutu z ruk.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary