Viadomamu francuzskamu akcioru Žeraru Depardjo Biełaruś nahadała maleńkuju Šviejcaryju. Pra heta lehienda kiniematohrafa raspavioŭ žurnalistam padčas naviedvańnia sielhaspradpryjemstva «Aziarycki-Ahra».
Akcior prybyŭ u Biełaruś z karotkim vizitam, kab, pa jaho słovach, asabista paznajomicca z krainaj. «Jość niejkija ludzi ŭ śviecie, jakija stvaryli niehatyŭnaje kliše pra Biełaruś. Viadoma, u kožnaj krainie jość svaje prablemy. Ale ja baču tut fiermy, zasiejanyja pali, papłavy, lasy. Usio heta mnie nahadvaje maleńkuju Šviejcaryju. I heta vielmi pryjemna», — skazaŭ jon.
Na dumku francuzskaha hościa, usio heta śviedčyć ab tym, što ŭ dziaržavie nadajecca vialikaja ŭvaha sielskaj haspadarcy. Naviedaŭšy sielskahaspadarčaje pradpryjemstva «Aziarycki-Ahra», Žerar Depardjo byŭ uražany, nakolki arhanizavanaja vytvorčaść technałahična. Pavodle jaho słoŭ, takoje jon bačyŭ u niešmatlikich krainach.
Žerar Depardjo asabliva padkreśliŭ, što paśpieŭ adznačyć dahledžanaść, čyściniu i kamfort
«Ja baču, što ludzi tut ščaślivyja, spakojnyja, i što kraina pavinna być pryjemnaja dla žyćcia», - skazaŭ jon.
Nie pakinuli abyjakavym lehiendarnaha akciora biełaruskaja pryroda i žančyny: «Siońnia ja tut i ščaślivy, lublu biełaruskuju pryrodu, pryhožyja piejzažy i žančyn». Raźvitvajučysia, hość paabiacaŭ znoŭ viarnucca ŭ Biełaruś.
Ciapier čytajuć
U minskim mietro prachodziać vyprabavańni novyja ciahniki FOTY1
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary