Navukoŭcaŭ ździviła kantrasnaść novaha fota.
Śvietły rehijon Płutona, što pa formie nahadvaje serca, raśsiečany hornymi chrybtami — heta pabačyli ŭ NASA na novych zdymkach stancyi New Horizons.
Vyšynia adkrytych na novych zdymkach hor składaje 1-1,5 km (jak ziamnyja Apałačy), raniej adkrytyja hara Norhiej ŭ 110 km ad tych hor dasiahaje 3,4 km (jak našy Skalistyja hory). Uzrost hor aceńvajecca ŭ sto miljonaŭ hod.
Uzrost krataraŭ tym časam acenieny ŭ miljard hod.
Fota byli zroblenyja 14 lipienia z adlehłaści ŭ 77 tysiač kiłamietraŭ ad Płutona. Na Ziamlu jany dajšli tolki niadaŭna. Novyja fota ad «Novych Haryzontaŭ» buduć prychodzić jašče 16 miesiacaŭ.
Maładyja raŭniny Płutona (na fota sprava) značna adroźnivajucca ad ciomnaj miascovaści z kratarami (na fota źleva), što dazvalaje kazać pra aktyŭnyja hieałahičnyja pracesy (jakija taksama nazirajucca na «bracie» Płutona Charonie). Raniej mierkavałasia, što hory na takich nievialikich niabiesnych ciełach jak Płuton utvarajucca praź ich hravitacyjnaje ŭzajemadziejańnie z bolšymi ciełami. Ale ŭ vypadku Płutona takija ŭzajemadziejańni nadta słabyja — hory majuć utvaracca ź inšych pryčyn.
Roźnica miž śvietłymi i ciomnymi rehijonami na fota pakul nie maje adnaznačnaha tłumačeńnia. Miarkujecca, što kratary majuć ciomny koler praz toje, što zapoŭnienyja niejkimi apadkami. Mahčyma, tymi, što daje azotna-mietanavaja atmaśfiera taŭščynioj u tysiaču kiłamietraŭ. Hory ž mohuć utrymlivać nie tolki azotny i mietanavy, ale i vadziany lod.
Toje, jak vyhladajuć płutonskija hory i raŭnina Sputnika, NASA raniej demanstravała na videa ŭ styli Google Earth. Taksama hory Nordžy i raŭninu Sputnika vizualizavaŭ mastak Ron Miler.
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary