«Minsktrans» zadumaŭsia pra biaspłatny Wi-Fi ŭ haradskim transparcie
Što dakładna, biaspłatny Wi-Fi źjavicca na ŭsich ich mižnarodnych maršrutach.
Dziaržaŭnaje pradpryjemstva «Minsktrans» pačało razhlad pytańnia pra pradstaŭleńnie biaspłatnaha dostupu ŭ internet praz Wi-Fi u haradskim transparcie Minska, pieradaje BIEŁTA słovy dyrektara pradpryjemstva Siarhieja Viedźhuna.
Na siońnia biaspłatny Wi-Fi jość u čatyroch mižnarodnych aŭtobusach «Minsktransa», da kanca hoda źjavicca va ŭsich mižnarodnych. Taksama «Minsktrans» choča pravieści ekśpierymient u haradskim aŭtobusie №300 (ad aŭtavakzała «Centralny» da nacyjanalnaha aeraporta «Minsk»).
Kali Wi-Fi u 300-m aŭtobusie budzie zapatrabavany, abmiarkujuć rasšyreńnie ekśpierymientu na inšyja maršruty haradskoha transpartu.
Transpartniki «abiedźviuma rukami za», adznačaje TUT.BY, ale ŭsio zaležyć ad taho, jak pryžyviecca Wi-Fi u asiarodździ pasažyraŭ i jak pradpryjemstva spravicca z zatratami. Kvitki na Wi-Fi-transpart nie musiać być daražejšymi za «afłajnavy».
Raniej paviedamlałasia, što biaspłatny Wi-Fi źjavicca na mižnarodnych aŭtobusach «Minabłtransa».
***
Pry karystańni navat biaspłatnym Wi-Fi zhodna z «ukazam 60» u Biełarusi patrabujecca identyfikacyja asoby praz atrymańnie pašpartnych dadzienych. Spraŭdzić ich na mižnarodnych maršrutach možna pry pakupcy kvitka, z haradskim transpartam ciažej, ale možna abyścisia i biez ułasna pradjaŭleńnia pašparta.
Z zadačaj identyfikacyi biez pradjaŭleńnia pašpartu ŭ Mahilovie spravilisia praz uviadzieńnie abanientam svajho numaru telefonu dziela atrymańnia SMS-parolu na padklučeńnie da sietki. Padobnym čynam musić funkcyjanavać pieršaja minskaja «Wi-Fi-łaŭka-pryščepka».
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ16
Kamientary