Jak paviedamlajuć HUUS Minharvykankama i ŭpraŭleńnie Śledčaha kamiteta pa Minsku, na minułym tydni ŭ adnoj z kvater u Minsku było znojdziena cieła 49-hadovaj žančyny z prykmietami hvałtoŭnaj śmierci.
Padčas ahladaŭ kvatery i aŭtamabila zabitaj, jakaja zajmałasia akazańniem intymnych pasłuh, było kanfiskavana bolš za dziesiać mabilnych telefonaŭ, zarehistravanych jak na jaje, tak i na inšych asob. Taksama dałučanyja da materyjałaŭ kryminalnaj spravy i zapisnyja knižki paciarpiełaj z dadzienymi klijentaŭ.
Šmathadzinny analiz atrymanych dadzienych dazvoliŭ vyznačyć koła mahčymych padazravanych.
U vyniku pa padazreńni ŭ ździajśnieńni złačynstva byŭ zatrymany raniej nieadnarazova sudzimy za zhvałtavańni i rabavańni 44-hadovy mužčyna.
Ustanoŭlena, što padazravany, adbyŭšy pakarańnie ŭ miescach pazbaŭleńnia voli, vyrašyŭ sustrecca ź minčankaj, jakaja zajmałasia prastytucyjaj. Matyvam ździajśnieńnia złačynstva źjaviłasia pomsta.
Jak patłumačyŭ u chodzie dopytu zatrymany, jon ličyŭ paciarpiełuju vinavataj u asudžeńni da pazbaŭleńnia voli za razbojny napad na inšuju žančynu, jakaja taksama zajmałasia prastytucyjaj.
Viedajučy pra toje, što paciarpiełaja akazvaje pasłuhi intymnaha charaktaru, jon znajšoŭ u sacyjalnych sietkach jaje numar telefona i damoviŭsia ab sustrečy pad vyhladam čarhovaha klijenta. U chodzie sustrečy pamiž imi adbyŭsia kanflikt, i žančyna była zabitaja.
Pavodle papiarednich dadzienych, atrymanych ad ekśpiertaŭ, śmierć paciarpiełaj nastupiła ŭ vyniku miechaničnaj aśfiksii.
Dziejańni mužčyny kvalifikavanyja śledstvam pa č. 2 art. 139 KK (zabojstva, ździejśnienaje pry abciažvajučych abstavinach).
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ16
Kamientary