Praŭda, pakul u testavym režymie.
U nacyjanalnym aeraporcie Minsk pačałasia realizacyja piłotnaha prajekta pa razhortvańni sistemy aŭtamatyčnaha pahraničnaha kantrolu, jakaja vykarystoŭvaje pryncyp elektronnaj bijamietryčnaj identyfikacyi asoby (tak zvanaj elektronnaj bramy — e-gates).
Jak paviedamlaje Dziaržaŭny pahraničny kamitet, ustanoŭleny ŭ zonie adlotu kijosk dazvalaje pravieści identyfikacyju asoby na asnovie paraŭnańnia fatahrafii z pašparta hramadzianina Respubliki Biełaruś z fatahrafijaj, atrymanaj pry dapamozie fotakamiery kijoska. Pry hetym ažyćciaŭlajecca aŭtamatyčnaja pravierka padadzienaha dakumienta na sapraŭdnaść.
Pavodle vynikaŭ pieršaj stadyi piłotnaha prajekta budzie pryniataje rašeńnie ab mahčymaści razhortvańnia ŭ nacyjanalnym aeraporcie Minsk na linii pahraničnaha kantrolu poŭnafunkcyjanalnaha prahramna-aparatnaha kompleksu «elektronnych varot».
U pahranviedamstvie adznačajuć, što vykarystańnie «elektronnych varot» u pierśpiektyvie dazvolić źmienšyć čas praviadzieńnia pahraničnaha kantrolu, pryčym najpierš u dačynieńni da hramadzian Biełarusi.
Piłotny prajekt pravodzicca Dziaržaŭnym pahraničnym kamitetam va ŭzajemadziejańni z šeraham ajčynnych pradpryjemstvaŭ, jakija śpiecyjalizujucca ŭ hetaj halinie, i viadučym vytvorcam sistem «elektronnych varot» u śviecie partuhalskaj kampanijaj Vision-Box.
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod41
Kamientary