Jak by vyhladała źniščanaja savietami Fara Vitaŭta ŭ sučasnym Hrodnie FOTAFAKT
Biełaruski rekanstruktar Alaksandr Pinčuk z dapamohaj kampjutara ŭznaviŭ hrodzienskuju Faru Vitaŭta na fota sučasanaha Hrodna. Heta praca chutkimi tempami raźlaciełasia pa sacyjalnych sietkach.
Vyrasła ŭžo dva pakaleńni haradziencaŭ, jakija nie bačyli Fary Vitaŭta — samaha pieršaha i admietnaha kaścioła Hrodna. Jany byccam užo pryzvyčailisia da jaho adsutnaści, ale ŭsio roŭna adčuvajuć siabie niaŭtulna na hałoŭnaj płoščy horada.
Alaksandr Pinčuk dapamoh hrodziencam ŭbačyć hałoŭny chram horada (źniesieny ŭ 1961 hodzie) u sučasnym Hrodnie:
«Fara Vitaŭta — heta chram z bahataj historyjaj i niaprostym losam, jaki pabyvaŭ i hałoŭnym parafijalnym katalickim kaściołam, i pravasłaŭnym safijskim saboram, — raspaviadaje Pinčuk na Facebook. — Niaźmiennym było toje, što na praciahu mnohich stahodździaŭ jon byŭ hałoŭnym chramam horada na Niomanie. Heta pieršy katalicki chram na terytoryi ciapierašniaj Biełarusi, zasnavany lehiendarnym Vitaŭtam i bolš viadomy pa imieni zasnavalnika jak Fara Vitaŭta (ad niamieckaha słova pharre — «prychod»). Chram pieražyŭ mnostva pažaraŭ i hłabalnych pierabudoŭ. Ab pieršapačatkovym abliččy možna tolki zdahadvacca, hruntujučysia na apisańniach i najbolš rańnich hraviurach. Ja pasprabavaŭ paimpraviziravać na asnovie dastupnych u internecie abmieraŭ i zamalovak T. Makoŭskaha».
Taksama Alaksandr zajmajecca zamkami Biełarusi. Pa jaho źviestkach, pa ŭsioj krainie naličvajecca kala 150 staražytnych krepaściej abo ich reštak. 38 ŭklučanyja ŭ prahramu «Zamki Biełarusi», što praduhledžvaje ich restaŭracyju i kansiervacyju.
Pa padlikach rekanstruktara, kala 9 zamkaŭ u Hrodzienskaj vobłaści jašče možna adnavić. Naprykład, Kreŭski zamak:
Abo Lubčanski zamak (Navahrudski rajon, p. Lubča):
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary