U rasijskaha niezaležnaha telekanała «Dožd́» kala 70 tysiač padpisčykaŭ, raskazaŭ redaktar kanała Michaił Zyhar. Kožny ź ich płacić kala 4800 rasijskich rubloŭ ($80) za hod.
U Biełarusi časta možna pačuć fanaberystyja ci pabłažlivyja vykazvańni adnosna Rasii. Maŭlaŭ, my tut jeŭrapiejcy, a jany tam…
Adnak ci znojdziecca ŭ Biełarusi 5 tysiač čałaviek, zdolnych płacić 80 dalaraŭ u hod za dostup da niezaležnaha ŚMI? Ci znojdziecca ŭ nas 5 tysiač čałaviek, jakija zarablajuć dosyć i achviarujuć štohod pa 100—200—1000—10000 dalaraŭ na hramadskija patreby? Na niezaležnyja ŚMI, «niepažadanych» muzykaŭ, na štrafy niespraviadliva asudžanym, na dobraachvotnikaŭ? Na tych i toje, što biez takich achviaravańniaŭ nie ŭtrymajecca.
Bajusia, nie.
Miž tym, z hetaha ŭsio biarecca. Z hetaha brałasia ŭ padaŭstryjskaj Haliččynie, padrasijskaj Estonii, padniamieckaj Čechii, padanhielskaj Amierycy i dzie-kolviek ludzi dabivalisia pravoŭ i svabod.
A padpisčyki «Doždia» — małajcy.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary