Ministerstva finansaŭ ZŠA pašyryła sankcyi, nakładzienyja na rasijskuju ekanomiku praz aneksiju Kryma i akupacyju Danbasa.
U «čorny śpis» patrapili struktury «Źniešekanombanka», «Rosnafty», kamiercyjnyja porty na terytoryi Kryma i inšyja kampanii. Taksama abmiežavańni nakładzienyja na šerah fizičnych asobaŭ, naprykład, syna Viktara Janukoviča, a taksama biznesmiena Ramana Ratenbierha. Na jahonaha baćku Barysa Ratenbierha, jaki uvachodzić u blizkaje atačeńnie Uładzimira Pucina, sankcyi byli nakładzienyja raniej.
Siarod struktur «Źniešekanombanka» nazyvajecca biełaruski «Bank BiełVEB», naziralnuju radu jakoha ŭznačalvaje Nadzieja Jermakova, byłaja staršynia Nacbanka. Staršynia praŭleńnia — były pieršy namieśnik staršyni Nacbanka Mikałaj Łuzhin.
Ciapier «Bank BiełVEB» nie moža pryciahvać doŭhaterminovaje finansavańnie i raźmiaščać akcyi ŭ ZŠA. Zrešty, jak śćviardžaje RBU, heta było zabaroniena i da hetaha dnia praz sankcyi suprać rasijskaha «Źniešekonmbanka».
Adzin ź biełaruskich bankaŭ, bank «Maskva-Minsk», traplaŭ pad sankcyi Zachadu. Praz heta ŭłaśniki byli vymušanyja pradać jaho. Pakupnikom staŭ niepasredna Nacbank Biełarusi.
Kamientary