AP
Rasija i Francyja damovilisia ab sumie kampiensacyi za niepastaŭlenyja viertoletonoscy «Mistral» i pra termin vypłat, paviedamiŭ pamočnik prezidenta Rasii pa pytańniach vajenna-techničnaha supracoŭnictva Uładzimir Kožyn.
«Ja spadziajusia, što ŭ samy bližejšy čas budzie padpisana pahadnieńnie ab skasavańni kantraktu, i tady budzie abjaŭlena suma, jakuju Francyja nam zapłacić», — rastłumačyŭ jon.
U piatnicu hazieta «Kamiersant» sa spasyłkaj na krynicy paviedamiła, što Francyja moža zapłacić Rasiei kala 1,2 młrd jeŭra.
Surazmoŭcy vydańnia śćviardžajuć, što Francyja pahadziłasia kampiensavać nie tolki avans za pabudovu viertoletonosca, ale i vydatki Rasii na navučańnie ekipažaŭ dla «Mistralaŭ», a taksama šerah inšych vydatkaŭ. Hetaja infarmacyja aficyjna nie paćviardžałasia.
Čakajecca, što dakładnaja suma budzie abjaŭlena ŭ žniŭni.
Suma kantraktu składała 1,2 młrd jeŭra, i Rasija ŭniesła pieradapłatu ŭ 840 młn.
Pieršy karabiel Rasija pavinna była atrymać u listapadzie 2014 hoda, adnak letam 2014 hoda prezident Francyi Fransua Aland abviaściŭ, što ŭ suviazi z padziejami va Ukrainie «Mistrali» nie mohuć być pieradadzienyja.
Kamientary