31 lipienia ŭ dvoryku na płoščy Svabody, 4 vystupić hurt Symphorine, a hościem budzie pieramožca ŭ naminacyi «Debiut» na premii «Hieroi hodu — 2014» — hurt Siarhieja Bašłykieviča Leibonik. Pazytyŭny nastroj harantavany!
Hurt Symphorine ŭdzielničaŭ u konkursie «Zaśpiavaj 2.0» adrazu ŭ dźviuch naminacyjach. U naminacyi «Paezija» jany pradstavili pieśniu «Napierad» na vierš Viktara Łupasina, jakaja akazałasia pieršaj aŭtarskaj kampazycyjaj kamandy. A na «Kaver» była padadziena svaja versija pieśni Lavona Volskaha «Hości», dziakujučy jakoj muzyki i prajšli ŭ finał konkursu.
U Symphorine ŭvachodziać prafesijnyja muzyki, śpiecyjalizujucca jany jakraz na vykanańniach suśvietnych kaveraŭ va ŭłasnych aranžyroŭkach. Staŭku robiać na skrypku i vijałančel razam ź jarkimi hałasami salistak.
Siarhiej Bašłykievič razam z svaim hurtom Leibonik letaś atrymaŭ premiju «Hieroi hodu» ŭ naminacyi «Debiut». 31 lipienia muzyki syhrajuć set z svaich najlepšych piesień.
Bašłykievič maje bahata ŭłasnych kampazycyjaŭ, ale taksama vielmi lubić hrać kavery, pryčym adaptuje ich pad biełaruskija realii. Peŭna hałoŭny hit Leibonik — pieśnia «O Kupała» jość pieraasensavańniem znakamitaha pop-hitu «Rock Me Amadeus» Falco.
Pa vyniku letnich kancertaŭ maładych vykanaŭcaŭ buduć vyznačanyja pieramožcy konkursu «Zaśpiavaj 2.0», jaki pravodzić partał Tuzin.fm i fond «Viartańnie» pry padtrymcy kampanii «Budźma biełarusami!». Pryzavy fond konkursu składaje 1000 eŭra.
NABYĆ KVITOK NA KANCERT SYMPHORINE I LEIBONIK
31.07. 20:00. Terasa kaviarni Chill-Out (płošča Svabody, 4). Symphorine pry padtrymcy Leibonik. Infalinija: +375-29-687-20-93. Kvitki — u kasach Kvitki.by i on-łajn. Košt: 100 000 (u dzień kancerta).
Kamientary