Hienprakuror: 30% abaviazacielstvaŭ pa ździełkach pamiž biełaruskimi i rasijskimi firmami nie vykonvajucca
U Biełarusi pačali źjaŭlacca ašukancy, jakija vymańvajuć pradukcyju ŭ rasijskich pradpryjemstvaŭ.
Pra heta zajaviŭ žurnalistam hienieralny prakuror Biełarusi Alaksandr Kaniuk pierad pasiadžeńniem abjadnanaj kalehii Hienprakuratury Biełarusi i Rasii pa pytańniach praterminavanaj debitorskaj zapazyčanaści, paviedamlaje BiełTA.
«Na dniach da mianie pastupiła skarha z Krasnadarskaha kraja — zaraz užo ŭ Biełarusi źjaviłasia ašukanskaja struktura, jakaja vymaniła pradukcyju (mietałakanstrukcyi) u pradpryjemstva i nie zapłaciła hrošy. Užo raspačata kryminalnaja sprava ab machlarstvie ŭ asabliva bujnych pamierach, my šukajem złačyncaŭ», — raspavioŭ Alaksandr Kaniuk.
Taksama jon raspavioŭ, što kala 30% ździełak pamiž biełaruskimi i rasijskimi firmami nie vykonvajecca.
«Na žal, pavodle infarmacyi pasolstva Biełarusi ŭ Rasii, kala 30% ździełak, jakija zaklučajucca našymi firmami z rasijskimi, zahadzia asudžanyja na pravał: jany zaklučajucca z ašukanskimi strukturami», — skazaŭ Alaksandr Kaniuk.
Hienieralny prakuror dadaŭ, što ŭ ciapierašni čas u pasolstvie Biełarusi ŭ Rasii stvarajecca baza dadzienych, jakaja dazvolić vyśvietlić kankurentazdolnaść abo płaciežazdolnaść adpaviednaj struktury. «Vy viedajecie, što časam firma ŭjaŭlaje saboj dobra apranutaha maładoha čałavieka z ručkaj u kišeni», — zaŭvažyŭ jon.
***
U pačatku Krasavik 2015 ŭ Maskvu dla vyrašeńnia prablemy rostu debitorskaj zapazyčanaści pastaŭščykoŭ ź Biełarusi byŭ adkamandziravany hienieralny prakuror krainy Alaksandr Kaniuk. Jon sustreŭsia sa svaim kaleham Juryjem Čajkam, jaki paabiacaŭ paspryjać. Niejkija zruchi aznačylisia, ale ŭ cełym, kanstatujuć na pradpryjemstvach, situacyja zastajecca składanaj.
Kamientary