Na sajcie Drahičynskaha rajvykankama navina ab pačatku zboru podpisaŭ za Alaksandra Łukašenku ilustrujecca dvuma dziŭnymi fotazdymkami.
U artykule hałoŭnaha śpiecyjalista pa ideałahičnaj rabocie Drahičynskaha rajvykankama Suprun Maryi Piatroŭny źmieščanyja dva fotazdymki z vybarčaha pikieta. Na adnym ź ich la pikieta fatahrafujecca viasielnaja para. Na stale — partret Alaksandra Łukašenki, ale jaho simietryja nijak nie ŭpisvajecca ŭ prastoru kadra. Stvarajecca adčuvańnie, što partret prosta visić u pavietry, a jaho ramka ŭvohule kryvaja.
Na druhim fota ŭ artykule mužčyna stavić svoj podpis za Alaksandra Łukašenku. Ale tut užo bačny anałahičny partret Łukašenki, ale mienšaha pamieru.
Viersija z vykarystańniem u fatazdymkach fotašopu moža padćviardžać i videa na sajcie haziety «Drahičynski vieśnik». Tam na kadry z maładoj paraj, što paziruje la pikieta, partreta Łukašenki ŭvohule niama (pravy nižni kut):
Aryhinał videa možna pahladzieć tut (pačatak z 0.23)
Kamientary