Jašče adzin pieradvybarny kredyt: rasijski Śbierbank pazyčyŭ 550 młn jeŭra Biełaruśkaliju

AAT «Biełaruśkalij» atrymaŭ sindykavany kredyt na 550 młn jeŭra. Pra heta havorycca ŭ paviedamleńni pres-słužby Sberbank CIB.
Pavodle infarmacyi pres-słužby, Sberbank CIB arhanizavaŭ finansavańnie dla AAT «Biełaruśkalij» u formie sindykavanaha kredytu. Suma finansavańnia skłała 550 młn jeŭra, termin ździełki — 5 hadoŭ. U jakaści zabieśpiačeńnia aformlena harantyja ŭrada Biełarusi.
Kredytorami vystupili AAT «Aščadbank Rasii» i Sberbank Europe AG, ahientam pa kredycie źjaŭlajecca AAT «Aščadbank Rasii».
AAT «Biełaruśkalij» źjaŭlajecca adnym z najbujniejšych vytvorcaŭ i eksparcioraŭ kalijnych uhnajeńniaŭ u śviecie. Pa dadzienych Mižnarodnaj asacyjacyi uhnajeńniaŭ, na jaho dolu prypadaje piataja častka suśvietnaha abjomu ekspartu kalijnych uhnajeńniaŭ.
Kamientary